BAIDU.فوتو: حاكەر

قىتايلىق Baidu Inc (Baidu.百度) كومپانياسى اۆتوماتتى كولىك جۇرگىزۋ قۇرىلعىسى ورناتىلعان اۆتوكولىكتى بازارعا سالىپ، وسىدان بۇرىن مۇنداي كولىكتەر وندىرگەن General Motors, Google, Alphabet تاعى باسقا دا كاسىپورىندارمەن باسەكەلەستىك ورناتاتىندىعىن جاريالادى.

Baidu كولىگى. فوتو: The Wall Street Journal

قىتايداعى تانىمال اقپارات قۇرالدارىنىڭ سۇحباتىن قابىلداعان Baidu كورپوراتسياسىنىڭ پرەزيدەنتى ليۋ چي (Liu Qi): «Baidu اۆتوكولىگىنىڭ باعدارلامالىق جوسپارىن اياقتاۋ الدىندا تۇرمىز. كولىكتىك باقىلاۋ جانە پايدالانۋ جۇيەلەرىنىڭ فۋنكتسياسىن، تەحنيكالىق سىيىمدىلىعى بارىنشا جوعارى دەڭگەيگە جەتكىزۋگە تىرىستىق. الداعى ۋاقىتتا بازارعا سالىنعاندا كورەتىن بولاسىزدار – Baidu اۆتوماتتى جۇرگىزۋ جۇيەسى بار اۆتوكولىكتەرى بۇل تۇردەگى جاڭا تەحنولوگيانىڭ دامۋىنا زور ۇلەس قوسقانىن دالەلدەيدى»، – دەدى.

قازىرگى كەزدە قىزمەت وتەۋ تۇرىمەن تابىسقا جەتكەن كومپانيالار بولاشاق دامۋ جولىن ءوندىرۋشى ورىنعا اينالۋدان، سونىڭ ىشىندە جاڭا تەحنولوگيالاردى وندىرۋگە باسىمدىق بەرۋدە. سەبەبى، جاڭا تەحنولوگيانىڭ بولاشاعى جارقىن، ونىڭ ۇستىنە قالىپتاسقان قۇرال-جابدىقتار سەكىلدى مىزعىماس جۇيەسى قالىپتاسىپ ۇلگەرمەگەن. جاساۋ قۇقىعى دا اۆتوكولىكتەر سەكىلدى جەكەلەگەن ەلدەردە ەمەس. وسى نەگىزدە Google, Alphabet, Baidu, Waymo قاتارلى كومپانيالار ءىرى كاسىپورىندارعا اينالىپ كەلەدى.

The Qazaq Times