ءسۇريادا رەسەيدىڭ كەلىسىم-شارتپەن ىستەيتىن ەكى اسكەري قىزمەتكەرى - 41 جاستاعى الەكسەي سافونوۆ پەن 46 جاستاعى ۆلاديمير پلۋتينسكي قازا تاپتى. بۇل تۋرالى Reuters اگەنتتىگىنە سىلتەمە جاساپ، "ورتالىق ازيا حابار قىزمەتى" جازدى.
سافونوۆ قازاسىن Reuters اگەنتتىگىنە ونىڭ تۋىستارى جەتكىزگەن، ولار الەكسەيدىڭ ناۋرىزدىڭ ورتاسىندا كوز جۇمعانىن حابارلاعان. بۇعان دەيىن سافونوۆ ۋكراينانىڭ شىعىسىندا رەسەيشىل جىكشىلدەر جاعىندا سوعىسقان. پلۋتينسكي اقپان ايىندا پالميرا ءۇشىن شايقاستا قازا تاپقان.
Reuters مالىمەتى بويىنشا، قاڭتار ايىنىڭ اياعىنان باستاپ ناۋرىزدىڭ اياعىنا دەيىن پالميرا ءۇشىن شايقاستا 21 رەسەيلىك جاۋىنگەر قازا تاپقان، بۇل رەسەي قورعانىس مينيسترلىگىنىڭ رەسمي مالىمەتىنەن ءتورت ەسە كوپ.
رەسەيدىڭ سۇرياداعى اسكەري وپەراتسياسى باستالعالى بەرى 28 ازامات قايتىس بولعانى رەسمي تۇردە حابارلاندى. باق مالىمەتتەرى بويىنشا، قازا تاپقاندار اراسىندا "ۆاگنەردىڭ جەكەمەنشىك اسكەرى كومپانياسىنىڭ" جاۋىنگەرلەرى بار.
“The Qazaq Times”
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى