سانكتسيا قۇرساۋىندا قالعان بەلارۋس ۋكراينامەن شەكاراداعى قاۋىپسىزدىكتى كۇشەيتتى. قازىر وتكىزۋ پۋنكتتەرىندە كۇزەتشىلەردىڭ سانى ارتقان.

بەلارۋس مەمملەكەتتىك شەكارا كوميتەتىنىڭ رەسمي وكىلى انتون بىچكوۆسكيدىڭ ايتۋىنشا، زاڭسىز ارەكەتتەر مەن قاۋىپتىڭ الدىن الۋ ءۇشىن جاڭا ەرەجە كۇشىنە ەنگەن. ەندى باقىلاۋ-وتكىزۋ بەكەتتەرىندە شەكارادان وتەتىن ادامداردى تىركەۋ قولدانىستاعى شەكتەۋلەر مەن قوسىمشا قاۋىپسىزدىك شارالارىن ەسكەرە وتىرىپ جۇزەگە اسىرىلادى.

3 شىلدەدە بەلارۋس پرەزيدەنتى الەكساندر لۋكاشەنكو «وتە كوپ مولشەردەگى قارۋ-جاراق تاسىمالىنىڭ الدىن الۋدى» سىلتاۋ ەتىپ، ۋكراينامەن شەكارانى تولىعىمەن جابۋ تۋرالى بۇيرىق بەرگەن.

ءوز كەزەگىندە ۋكراينا سىرتقى ىستەر مينيسترلىگىنىڭ ءباسپاسوز حاتشىسى ۋكراينانىڭ وزىمەن كورشى پوستسوۆەتتىك ەلدىڭ ىشكى ىسىنە ارالاسپاعانىن جانە ونداي جوسپارى دا جوعىن مالىمدەدى. ءوز اكىمشىلىگى جاريالاعان سوزىندە لۋكاشەنكو بەلارۋستە گەرمانيا، ليتۆا، اقش، پولشا جانە ۋكراينامەن بايلانىستى «استىرتىن تەررور ۇيىمداردى» اشكەرەلەنگەنىن ايتقان.

"The Qazaq Times"