يزرايلدە تۇرمەدە وتىرعان مىڭداعان پالەستينالىق اشتىق جاريالادى

بۇگىننەن باستاپ يزرايلدىك تۇرمەلەردە وتىرعان پالەستينالىقتار جاپپاي اشارشىلىق جاريالادى دەپ حابارلايدى bbc.com.

قارسىلىق اكتسياسى يزرايلدە ومىرلىك باس بوستاندىعىنان ايىرىلعان پالەستينالىق كوشباسشى مارۆان بارگۋتيدىڭ باستاماسىمەن ورىن الىپ وتىر.

يسسى كاراكە پالەستينالىق اۆتونومياسىنىڭ رەسمي وكىلدەرىنىڭ ايتۋىنشا، ازىرگە 1300-گە جۋىق ادام اس-سۋدان باس تارتقان، الدا ولاردىڭ سانىنىڭ ءوسۋى مۇمكىن دەگەن بولجامدى دا جوققا شىعارمايدى.

ال ۇكىمەتتىك ەمەس "پالەستينالىق تۇتقىندار كلۋبىنىڭ" مالىمەتىنە سايكەس اكتسياعا قاتىسۋشىلاردىڭ سانى 1500-گە جەتكەن.

ال يزرايل تۇرمەلەرىندە بۇگىندە 7 مىڭنان استام پالەستينالىق وتىر.

مارۆان بارگۋتي - پالەستينا قوزعالىسىنداعى ەڭ بەدەلدى تۇلعا. يسلامدىق سوعىس ۇيىمىنىڭ  كوشباسشىسى، يزرايلدەرگە  قىسىم كورسەتۋدى اشىق قولداعانداردىڭ ءبىرى بولىپ تابىلادى. ول 2004 جىلى تۇرمەدە بولا تۇرا ماحمۋد ابباستى  پالەستينا اۆتونومياسىنىڭ جاڭا باسشىسى رەتىندە قولداعان. 2004 جىلى بارگۋتي يزرايلدەردى ولتىرگەنى ءۇشىن ومىرلىك باس بوستاندىعىنان ايىرىلىپ جانە ادام ومىرىنە قول سۇققانى ءۇشىن 40 جىلعا تۇرمەگە توعىتىلعان.

تۇرمەدە وتىرعانىنا قاراماستان مارۆان باگرۋتي حالىق قاھارمانى ءارى پالەستينالىق كوشباسشىلاردىڭ ءبىرى بولىپ سانالادى.

“The Qazaq Times”