فوتو: www.sciencenews.org

امەريكالىق Novavax Inc كومپانياسى وندىرگەن ۆاكتسينا كوروناۆيرۋستىڭ بارلىق شتامدارىنا قارسى 90% تيىمدىلىك كورسەتكەن.

اقش پەن مەكسيكادا 30 000-عا جۋىق ەرىكتىلەردىڭ قاتىسۋىمەن زەرتتەۋ جۇرگىزىلگەن. سىناق ناتيجەسىندە ۆاكتسينا ينفەكتسيانىڭ اۋىر ءتۇرى بار ەرىكتىلەر اراسىندا 91% نەمەسە ودان دا كوپ، ال Covid-19 ورتاشا جانە اۋىر جاعدايلارى بار ەرىكتىلەر اراسىندا 100% تيىمدىلىك كورسەتتى. ياعني سىناققا قاتىسقانداردىڭ ەشبىرىنىڭ كوروناۆيرۋس اۋرۋى ۋشىقپاعان. ماماندار ۆاكتسينا سونىمەن بىرگە كوروناۆيرۋستىڭ جاڭا شتامدارىمەن ءتيىمدى كۇرەسەتىنىن ايتىپ وتىر.

Novavax زەرتتەۋ جانە دامىتۋ ءبولىمىنىڭ باستىعى دوكتور گرەگوري گلەنن اقش-تا Novavax ۆاكتسيناسىن سىناقتان وتكىزۋ كەزىندە ۇلىبريتانيادا العاش رەت تابىلعان جانە قازىر الفا نۇسقاسى رەتىندە بەلگىلى ۆيرۋس تارالعانىن ايتتى. ەندى كومپانيا الداعى ءۇش اي ىشىندە ۆاكتسينانى اقش-تا پايدالانۋ تۋرالى ءوتىنىش تۇسىرمەك.

ددسۇ بۇعان دەيىن باتىس كومپانيالارى وندىرگەن Pfizer-BioNTech, Johnson & Johnson, Moderna جانە AstraZeneca ۆاكتسينالارىن ماقۇلداعان.

"The Qazaq Times"