Вирустың барлық штамдарына қарсы: Америкалық вакцина 90% тиімділік көрсетті

Америкалық Novavax Inc компаниясы өндірген вакцина коронавирустың барлық штамдарына қарсы 90% тиімділік көрсеткен.

АҚШ пен Мексикада 30 000-ға жуық еріктілердің қатысуымен зерттеу жүргізілген. Сынақ нәтижесінде вакцина инфекцияның ауыр түрі бар еріктілер арасында 91% немесе одан да көп, ал Covid-19 орташа және ауыр жағдайлары бар еріктілер арасында 100% тиімділік көрсетті. Яғни сынаққа қатысқандардың ешбірінің коронавирус ауруы ушықпаған. Мамандар вакцина сонымен бірге коронавирустың жаңа штамдарымен тиімді күресетінін айтып отыр.

Novavax зерттеу және дамыту бөлімінің бастығы доктор Грегори Гленн АҚШ-та Novavax вакцинасын сынақтан өткізу кезінде Ұлыбританияда алғаш рет табылған және қазір альфа нұсқасы ретінде белгілі вирус таралғанын айтты. Енді компания алдағы үш ай ішінде вакцинаны АҚШ-та пайдалану туралы өтініш түсірмек.

ДДСҰ бұған дейін батыс компаниялары өндірген Pfizer-BioNTech, Johnson & Johnson, Moderna және AstraZeneca вакциналарын мақұлдаған.

"The Qazaq Times"