ەكولوگيا ءمينيسترى ماعزۇم مىرزاعاليەۆ حالىق الدىنداعى ەسەپتىك كەزدەسۋىندە ەلىمىزدىڭ 6 وڭىرىندە قوقىس ورتەيتىن زاۋىت سالىناتىنىن مالىمدەدى.
بۇگىن ەلگە ەسەپ بەرگەن ۆەدومستۆو باسشىسىنىڭ ايتۋىنشا، قالدىق كولەمىن قىسقارتۋ ماقساتىندا Waste to Energy قالدىقتاردى ەنەرگەتيكالىق كادەگە جاراتۋ تەتىگىن ەنگىزۋ جونىندەگى زاڭ قابىلداندى.
«قوقىس جاعاتىن زاۋىتتار سالۋ ءۇشىن التى قالا بەلگىلەندى. ولار: نۇر-سۇلتان، اقتوبە، الماتى، شىمكەنت، قاراعاندى جانە وسكەمەن. اكىمدىكتەر زاۋىت قۇرىلىسىنا قاجەت جەر تەلىمدەرىن ءبولدى. ەنەرگيا بەرۋشى ۇيىمنان ەلەكتر جەلىسىنە قوسۋدىڭ تاياۋ نۇكتەلەرىن بەكىتتى. ەنەرگيا ءوندىرۋشى ۇيىمداردىڭ تىزبەسىن قالىپتاستىرۋ ءۇشىن اۋكتسيوندى وتكىزۋگە قۇجاتتاردى قابىلداۋ باستالدى. ەكىنشى جارتىجىلدىقتا قورىتىندى شىعارامىز»، – دەدى ەكولوگيا، گەولوگيا جانە تابيعي رەسۋرستارى ءمينيسترى.
مىرزاعاليەۆ زاڭسىز قوقىس پوليگوندارىنىڭ پروبلەماسىن ءسوز ەتتى.
«عارىشتىق مونيتورينگ اياسىندا جىل سايىن 8000-عا جۋىق قوقىس ءۇيىندىسى انىقتالادى. بۇل رەتتە، رۇقسات ەتىلمەگەن قوقىس ۇيىندىلەرى ماسەلەسىن جۇيەلى شەشۋ ءۇشىن جاڭا ەكولوگيا كودەكسىندە قوقىس شىعاراتىن كولىكتەرگە GPS-داتچيكتەردى مىندەتتى تۇردە ورناتۋ ماسەلەسى كوزدەلگەن. قالدىقتاردى قايتا وڭدەۋمەن جانە كادەگە جاراتۋمەن اينالىساتىن كاسىپورىندار ءۇشىن ليتسەنزيالاۋ جانە قوقىس شىعاراتىن ۇيىمدار ءۇشىن حابارلاما جاساۋ ءتارتىبى ەنگىزىلدى»، – دەدى ول.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟