قىرعىزستان ۇكىمەتى كانادالىق «قۇمتور gold company» كاسىپورنىنا 4 ميلليارد 250 ميلليون دوللار ايىپپۇل سالدى. پارلامەنت دەپۋتاتتارىنىڭ ايتۋىنشا، بۇل ءىس حالىقارالىق داۋعا ۇلاسۋى مۇمكىن.
اتالعان ماسەلە ون بەس جىلدان بەرى تالقىلانىپ كەلەدى. بۇل جولى 120 دەپۋتاتتىڭ 91-ءى كاسىپورىندا سىرتقى باسقارۋ جۇيەسىن ەنگىزۋدى قولداپ داۋىس بەرگەن. نەگىزىنەن قىرعىزستان ەكولوگتارىنىڭ كانادالىق كومپانياعا تاققان باستى ايىبى – مۇزدىقتاردىڭ بۇزىلۋى. ارنايى دەپۋتاتتىق كوميسسيا التىن ءوندىرۋ كەزىندە پايدا بولاتىن ۋلى قالدىقتار مۇزدىقتار ايماعىن قاتتاپ تاستاعانىن انىقتاعان. وسىلايشا، جۇزدەگەن ميلليون توننا يگەرىلگەن تاۋلى جىنىس لىسىي جانە داۆىدوۆ مۇزدىقتارىنىڭ بىرتىندەپ ازايۋىنا اكەلدى. سونداي-اق ۋلى قالدىقتار ءامۋداريا جانە سىردارياعا كەپ قوسىلاتىن نارىن وزەنىنە ءتۇسۋ قاۋپى بار.
الەمدەگى ەڭ ءىرى التىن كەن ورىندارىنىڭ ءبىرىن شەتەلدىك ينۆەستور 1997 جىلدان بەرى يگەرىپ كەلەدى. كانادالىق كومپانيا – ەلدەگى ەڭ ءىرى سالىق تولەۋشى. ونىڭ ءوندىرىس كولەمى قىرعىزستاننىڭ جالپى ىشكى ءونىمىنىڭ 10%-ىن قۇرايدى. كومپانياعا تيەسىلى كاسىپورىنداردا 3 مىڭداي ادام ەڭبەك ەتەدى. قىزمەتكەرلەرىنىڭ 97%-ى جەرگىلىكتى تۇرعىندار.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟