سەنبىدە چەحيا رەسەيلىك 18 ديپلوماتتى ەلدەن شىعارۋ تۋرالى شەشىم شىعارعان. ماسكەۋ بۇعان جاۋاپ رەتىندە چەحيانىڭ 20 ديپلوماتتى «نون گراتا» دەپ جاريالادى.

ماسكەۋ ديپلوماتتارعا ءبىر كۇن ۋاقىت بەردى. رەسەي سىرتقى ىستەر مينيسترىلىگىنىڭ مالىمدەمەسىندە: «امەريكاعا جاعىنۋ ماقساتىندا ەۋروپا ەلدەرى دە ورەسكەل قاتەلىككە بارىپ وتىر. ديپلوماتيالىق ميسسيانىڭ 18 قىزمەتكەرىن قايتارۋ – رەسەيمەن ەكىجاقتى قارىم-قاتىناسىنا اۋىر سوققى. سلۋتسكي جۋرناليستەرگە سەنبى، 17 ءساۋىر كۇنى. نەگىزدەمەسى دە، 2014 جىلعى وقيعاعا سىلتەۋى دە سىن كوتەرمەيدى. مۇنداي قادامعا بارۋعا شىنايى سەبەپتىڭ جوعىنا سەنىمدىمىن»، – دەلىنگەن.

بۇعان دەيىن چەحيا سىرتقى ىستەر ءمينيسترى يان گاماچەكتىڭ ماسكەۋ ساپارىنان باس تارتقانى بەلگىلى بولدى. بۇل ساپاردا ول «سپۋتنيك V» ۆاكتسيناسىن ساتىپ الۋ جونىندە كەلىسسوز جۇرگىزبەك بولعان. بۇل جوسپارى ءۇشىن گاماچەكتى ءوز كواليتسياسىنداعى ارىپتەستەرى دە، وپپوزيتسيا دا سىنعا الدى.

چەحيا مەن رەسەي اراسىنداعى ديپلوماتيالىق جانجالدان كەيىن وسى ەلدەگى رەسەيلىك ەلشىلىك الدىندا نارازىلىق شەرۋى ءوتتى. ديپلوماتيالىق وكىلدىك الدىنا جينالعان شەرۋشىلەر ەۋرووداق پەن ناتو تۋىن ۇستاپ، ەكى ەل اراسىنداعى تەكەتىرەستە چەحيانى قولداۋعا شاقىردى. اكتسياعا قاتىسۋشىلار ماسكەۋدىڭ ارەكەتىن ايىپتاۋ كەرەك دەيدى. ەندى ەۋرووداقتىڭ سىرتقى ىستەر مينيسترلەرى اتالعان ماسەلە بويىنشا جيىن وتكىزەدى.

"The Qazaq Times"