بەكشيننىڭ جاڭا قاۋلىسى: قوعامدىق ورىنداردا ەكپە پۋنكتتەرى اشىلادى

الماتى قالاسىندا وسى ۋاقىتق ادەيىن تىركەلگەن ناۋقاستاردىڭ 21%-ى نەمەسە 5/1 بولىگى تەك ناۋرىز ايىندا تىركەلىپ ۇلگەردى. كۇندەلىكتى سىرقاتتار سانى بۇرىن-سوڭدى بولماعان كورسەتكىشتە انىقتالىپ جاتىر. ەپيداحۋال ناشارلاپ بارادى. قالانىڭ باس سانيتار دارىگەرى جانداربەك بەكشين جاڭا قاۋلى شىعاردى.

بيىلعى №13 قاۋلىعا سايكەس، الماتى قالاسىندا Ashyq پيلوتتىق جوباسىنا تىركەلگەن كاسىپكەرلەردىڭ جۇمىسىنا رۇقسات ەتىلەدى. حقكو قىزمەتىنە جۇگىنۋ ءۇشىن الدىن-الا جازىلۋ كەرەك. كافە-رەستورانداردىڭ اۋلاسىندا 50 ادامعا دەيىن 2 مەتر بولاتىن الەۋمەتتىك اراقاشىقتىقتى ساقتاي وتىرىپ تاماقتانۋعا بولادى. وقۋ جىلىنىڭ سوڭىناي دەيىن ءبىلىم بەرۋ قاشىقتان جۇرەدى. بىراق اتا-انالاردىڭ ءوتىنىشى بويىنشا 1-5 سىنىپ، حالىقارالىق مەكتەپتەردە 1-7 سىنىپ جانە ءبىتىرۋشى 9-ىنشى مەن 11 (12) سىنىپ وقۋشىلارى توپتا 15 ادامعا دەيىنگى شەكتەۋمەن وفلاين وقيدى.

سونىمەن قوسا، قوعامدىق ورىنداردا – ساۋدا-ساتتىق جانە ويىن-ساۋىق ورتالىقتارى مەن بازارلاردا ۆاكتسينا ەگۋ پۋنكتتەرى اشىلماق. بەكشين بۇقارالىق ورىنداردا ۆاكتسيناتسيالاۋ الگوريتمىن بەكىتتى. جاڭا قاۋلىدا وسىعان دەيىن ەنگىزىلگەن تىيىمدار وزگەرمەدى.

12 ساۋىرگە دەيىن قوعامدىق كولىكتەر (اۆتوبۋس، تروللەيبۋس مارشرۋتتارى مەن مەترو) جۇمىس كۇندەرى قالىپتى كەستەمەن، ال دەمالىس كۇندەرى (سەنبى-جەكسەنبى) تاڭعى 06:00-دەن 10:00-گە دەيىن كەشكىسىن 17:00-22:00 ارالىعىندا قاتىنايدى.

ال شاشتاراز بەن سۇلۋلىق سالوندارىنا الدىن الا جازىلۋ بويىنشا شاش قيۋعا عانا رۇقسات.

ءدىني عيبادات ورىندارىندا جاماعات بولىپ قۇلشىلىق ەتۋگە تىيىم سالىنعان. مۇنى ءدىن ىستەرى جونىندەگى باسقارمانىڭ ارنايى مونيتورينگ توبى تەكسەرەتىن بولادى. دەگەنمەن قاشىقتىقتى ساقتاپ جەكە قۇلشىلىق ەتۋگە رۇقسات ەتىلگەن.

كوڭىل كوتەرۋ ورىندارى (كاراوكە، بيليارد، كومپيۋتەرلىك، تۇنگى كلۋبتار مەن ويىن كلۋبتارى، بوۋلينگ ورتالىقتارى، بالالار سپورتى مەن ويىن الاڭدارى، اتتراكتسيوندار، باتۋتتار جانە بۋكمەكەرلىك كەڭسەلەر مەن لوتەرەيالىق كلۋبتاردىڭ), كوپشىلىككە ارنالعان مونشالار مەن ساۋنالار، سپا-ورتالىقتار، باسسەيندەردىڭ قىزمەتىنە تىيىم سالىنادى.

“The Qazaq Times”