گەرمانيا بۇگىننەن باستاپ بريتان-شۆەدتىك AstraZeneca كومپانياسى شىعارعان ۆاكتسينانى قولدانۋدى قايتا باستايدى. بۇل تۋرالى گفر دەنساۋلىق ساقتاۋ ءمينيسترى يەنس شپان مالىمدەدى.
«ءبىزدىڭ ورتاق ماقساتىمىز – بارلىق 16 فەدەرالدى شتات تۇرعىندارىنا ەكپە ەگۋ. وسى ارقىلى ءبىز پاندەمياعا توسقاۋىل بولا الامىز»، – دەلىنگەن رەسمي حابارلامادا.
كوروناۆيرۋسقا قارسى ۆاكتسيناتسيا گەرمانيادا جەلتوقساننىڭ سوڭىندا باستالدى. قازىر ەلدە Biontech-Pfizer كونسورتسيۋمى ازىرلەگەن ۆاكتسينا، سونداي-اق Moderna كومپانياسىنىڭ ەكپەسى قولدانىلادى.
جاقىندا ەۋروپانىڭ بىرقاتار ەلدەرى AstraZeneca ەكپەسىن ساتىپ الۋدان باس تارتىپ وتىر. سەبەبى، «پرەپاراتتىڭ قان اينالىمىن ناشارلاتىپ، ترومبىلاردىڭ تۇزىلۋىنە ىقپال ەتەدى» دەگەن بولجامدار ايتىلدى. كەيىننەن ەۋروپانىڭ ءدارى-دارمەك جونىندەگى اگەنتتىگى پرەپاراتتى تەكسەرە كەلە، ەكەۋىنىڭ اراسىننان بايلانىس تاپپاعانىن مالىمدەدى. ساراپشىلار ماسەلە ۆاكتسينانىڭ بەلىگىلى ءبىر پارتياسىمەن بايلانىستى بولۋى مۇمكىن دەگەن جورامالدى دا جوققا شىعاردى. وسىدان كەيىن گەرمانيا، فرانتسيا مەن يتاليا ۆاكتسينانى قايتا قولدانا باستايتىنىن حابارلادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟