ميانمادا سوڭعى ءبىر كۇندە ءار قالادا وتكەن نارازىلىق شارالارى كەزىندە 38 ادام قازا تاپتى . 80-گە جۋىق ادام جاراقات الىپ، جۇزگە جۋىق شەرۋشى قامالدى. بۇل تۋرالى ساياسي تۇتقىندارعا كومەك قاۋىمداستىعى مالىمدەدى.
بۇۇ ميانماداعى بيلىكتى باسىپ العان اسكەريلەردىڭ كۇش قولداۋىن ايىپتاپ، قىرعىندى توقتاتۋعا شاقىردى. بۇۇ مالىمدەمەسىندە: «باس حاتشى ميانماداعى رەپرەسسيانى قاتاڭ ايىپتايدى. بەيبىت دەمونسترانتتارعا قارسى جاۋىنگەرلىك قارۋ قولدانۋعا جانە تۇتقىنداۋعا جول بەرىلمەۋى ءتيىس. وسى رەتتە بۇۇ حالىقارالىق قاۋىمداستىقتى بىرىگۋگە جانە اسكەري قىزمەتكەرلەرگە ميانما حالقىن قۇرمەتتەۋىن جانە رەپرەسسيانى توقتاتۋىن تالاپ ەتەدى»، – دەلىنگەن.
1 اقپاندا ميانما اسكەريلەرى ەلدە توڭكەرىس جاساپ، بيلىكتەگى اۋن سان سۋ چجي مەن بىرنەشە ساياساتكەردى ۇيقاماققا العان. اسكەريلەر بىلتىر قاراشادا وتكەن پارلامەنت سايلاۋىنىڭ ناتيجەسىمەن كەلىسپەگەن ەدى. بىلتىرعى سايلاۋدا اۋنگ سان سۋ چجي باسقاراتىن دەموكراتياشىلاردىڭ ۇلتتىق ليگاسى پارتياسى جەڭىمپاز دەپ تانىلعان. اسكەريلەر سايلاۋ ءادىل وتپەدى دەپ سانايدى.
اسكەريلەر 1962 جىلدان بەرى بيلىكتە وتىر. 2011 جىلى حالىقارالىق قىسىمنان كەيىن ولار دەموكراتياعا بىرتىندەپ كوشۋگە كەلىسكەن. ەسەسىنە پارلامەنتتەگى ورىنداردىڭ 25%-ىن ساقتاپ، كۇشتىك قۇرىلىمداردى باقىلاۋىندا ۇستاپ قالعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟