فوتو: ۆۆس

ۋكراينا پارلامەنتىنىڭ دەپۋتاتتارى ءبىرىنشى وقىلىمدا «ۋكرايناداعى ۋاقىتتى ەسەپتەۋ تۋرالى» زاڭ جوباسىن قولدادى. جاڭا زاڭ ماۋسىمدىق اۋىسۋدى الىپ تاستاپ، كيەۆ ۋاقىتىن ەنگىزۋدى كوزدەيدى.

قۇجاتقا سايكەس، زاڭ ۋكراينانىڭ بارلىق اۋماعىنا ياعني قىرىم، دونەتسك پەن لۋگانسك حالىق رەسپۋبليكالارىندا جۇزەگە اسادى.

«قۇجاتتى بەكىتۋ – ۋكراينانىڭ قاۋىپسىزدىك جاعدايىن نىعايتۋعا جانە ۋاقىتشا وككۋپاتسيالانعان اۋماقتاردىڭ دەوكۋپاتسياسى مەن رەينتەگراتسياسىنا ىقپال ەتەد. ساعاتتاردىڭ ماۋسىمدىق اۋىسۋى توقتاتىلىپ، كيەۆ ۋاقىتى ەنگىزىلۋى ءتيىس»، – دەلىنگەن رەسمي حابارلامادا.

قۇجاتتى 277 پارلامەنتشى قولدادى. باستامانىڭ اۆتورى پارلامەنت ۆيتسە-سپيكەرى، «حالىق قىزمەتشىسى» پارتياسىنىڭ مۇشەسى رۋسلان ستەفانچۋك بولدى. ونىڭ پىكىرىنشە، ۋكراينادا ۋاقىتتى ەسەپتەۋ ءتارتىبىن رەتتەيتىن زاڭ ءالى دە جوق. ال جازعى جانە قىسقى ۋاقىتقا جىل سايىن كوشۋ ۇكىمەتتىڭ 1996 جىلعى قاۋلىسىنا سايكەس جۇرەدى. ونىڭ پىكىرىنشە، جاڭا زاڭ قاجەتتى نورماتيۆتىك-قۇقىقتىق بازانىڭ جوقتىعىن وتەپ قانا قويماي، ۋكرايناعا رەسەيدىڭ ىقپالىنا قارسى كۇرەسۋگە كومەكتەسەدى.

باستامانى قولداۋداعى باسقا دالەلدەردىڭ ىشىندە مۇنداي نورمالاردىڭ حالىق دەنساۋلىعىنا پايدالى اسەرى دە اتالادى، ويتكەنى ساعاتتاردىڭ اۋدارماسى «ادامنىڭ بيولوگيالىق ىرعاقتارىنىڭ وزگەرۋىنە اكەلەدى» جانە ەنەرگيانى ۇنەمدەيدى. سونىمەن قاتار، زاڭ جوباسىندا كورسەتىلگەن ءتاسىل الەمدىك تاجىريبەگە، ۋكراينانىڭ ەۋروپالىق ينتەگراتسيالىق ۇمتىلىستارىنا سايكەس كەلەدى. سەبەبى ەۋروپالىق پارلامەنت 2019 جىلى بيىلدان باستاپ ماۋسىمدىق اۋىسۋدى الىپ تاستاۋ يدەياسىنا قولداۋ بىلدىرگەن.

"The Qazaq Times"