Foto: VVS

Ukraina Parlamentiniñ deputattarı birinşi oqılımda «Ukrainadağı uaqıttı esepteu turalı» zañ jobasın qoldadı. Jaña zañ mausımdıq auısudı alıp tastap, Kiev uaqıtın engizudi közdeydi.

Qwjatqa säykes, zañ Ukrainanıñ barlıq aumağına yağni Qırım, Doneck pen Lugansk halıq respublikalarında jüzege asadı.

«Qwjattı bekitu – Ukrainanıñ qauipsizdik jağdayın nığaytuğa jäne uaqıtşa okkupaciyalanğan aumaqtardıñ deokupaciyası men reintegraciyasına ıqpal eted. Sağattardıñ mausımdıq auısuı toqtatılıp, Kiev uaqıtı engizilui tiis», – delingen resmi habarlamada.

Qwjattı 277 parlamentşi qoldadı. Bastamanıñ avtorı Parlament vice-spikeri, «Halıq qızmetşisi» partiyasınıñ müşesi Ruslan Stefançuk boldı. Onıñ pikirinşe, Ukrainada uaqıttı esepteu tärtibin retteytin zañ äli de joq. Al jazğı jäne qısqı uaqıtqa jıl sayın köşu Ükimettiñ 1996 jılğı qaulısına säykes jüredi. Onıñ pikirinşe, jaña zañ qajetti normativtik-qwqıqtıq bazanıñ joqtığın ötep qana qoymay, Ukrainağa Reseydiñ ıqpalına qarsı küresuge kömektesedi.

Bastamanı qoldaudağı basqa dälelderdiñ işinde mwnday normalardıñ halıq densaulığına paydalı äseri de ataladı, öytkeni sağattardıñ audarması «adamnıñ biologiyalıq ırğaqtarınıñ özgeruine äkeledi» jäne energiyanı ünemdeydi. Sonımen qatar, zañ jobasında körsetilgen täsil älemdik täjiribege, Ukrainanıñ europalıq integraciyalıq wmtılıstarına säykes keledi. Sebebi Europalıq Parlament 2019 jılı biıldan bastap mausımdıq auısudı alıp tastau ideyasına qoldau bildirgen.

"The Qazaq Times"