قىتاي اقش-پەن ساۋدا كەلىسىمى ءۇشىن سولتۇستىك كورەيانى قۇربان ەتە مە؟

اقش پرەزيدەنتى دونالد ترامپ سارسەنبى كۇنى قحر باسشىسى شي جينپيڭگە ەكى ەل اراسىنداعى ساۋدا ارىپتەستىك قاتىناسىندا قىتاي تاراپىنا نەعۇرلىم ءتيىمدى بولعان كەلىسىمدەردى ۇسىنعانىن ايتتى. ترامپ بۇل تيىمدىلىكتەردى قىتايدىڭ سولتۇستىك كورەيادان كەلەتىن قاتەرلەرمەن ورتاق كۇرەسۋىنە ايىرباستايتىنىن دا اشىق ايتتى.

اقش پرەزيدەنتى «The Wall Street Journal» باسىلىمىنىڭ سۇحباتىن قابىلداعان كەزدە دە، اقش-قىتاي اراسىنداعى ساۋدا قاتىناسىندا قىتايدىڭ ۆاليۋتا ساياساتى اقش-قا از بولماعان اۋرەشىلىكتەر تۋدىرىپ كەلگەنىن، الايدا،  قىتاي سولتۇستىك كورەيانى ورتاق تەجەۋگە كەلىسسە، جاڭا كەلىسىمدەردە بۇل ماسەلەنى تالاپ ەتىپ قويمايتىنىن دا ايتتى. اقش پەن قىتاي اراسىنداعى شەشىمى قيىن ەكى ۇلكەن ءتۇيىن – ساۋدا سەلبەستىگىندەگى تەڭسىزدىك جانە سولتۇستىك كورەيا ماسەلەسى. ترامپتىڭ بۇل سوزىنە قاراعاندا اقش ءۇشىن ساۋدا قارىم-قاتىناسىنداعى تارتقان زيانىنان كورى، سولتۇستىك كورەيادان كەلەتىن قاۋىپتىڭ سالماعى باسىم دەپ شەشكەن. سوندىقتان اقش تاڭداۋى ەكى ماسەلەنىڭ بىرەۋىنە، ياعني سولتۇستىك كورەيا ماسەلەسىن شەشۋدى تالداعان.

وتكەن اپتادا اتالعان ەكى ەل باسشىلارىنىڭ تاريحي كەزدەسۋىندە ترامپ: «اقش اعىمداعى قىتاي-اقش ساۋدا كەلىسىمىن جالعاستى اتقارا المايدى. ەگەر قىتاي جاق قاجەتتى ساۋدا شارتىنا قول جەتكىزگىسى كەلسە، وندا سولتۇستىك كورەيا ماسەلەسىن شەشۋى كەرەك. بۇل وسىعان دەيىن اقش-قىتاي اراسىنداعى ءبىزدىڭ شىعىنىمىزدى وتەگەنگە ۇقساس»، – دەگەن بولاتىن.

“The Qazaq Times”