بۇل كۇندە ۇمىت بولعان نەمەسە، سالت-داستۇرگە ءسىڭىپ كەتكەن ەسكى كۇننىڭ زاڭدارىندا دا وزىنە ءتان تەرەڭ مان بار. سولاردىڭ ءبىر قاتارىن وقىرمان نازارىنا ۇسىنامىز.

  • قارىزعا العان مال جىل ۋاقىتىنان اسسا وتەمىمەن بىرگە قايتارىلادى.
  • ۇرعاشى مال ەركەك مالدان قىمبات باعالانادى.
  • قوناق قوندىرماعانعا ايىپ سالىنادى.
  • قوناق اسىن دۇرىس بەرمەگەن جازاعا تارتىلادى.
  • اۋقاتتى ادامنىڭ كەدەيگە جاردەم بەرۋ مىندەتى بار.
  • مالعا جانە باسقا جانۋارلارعا ءزابىر جەتكىزۋ – قىلمىس.
  • ادەپ بۇزعاندارعا جازا بار.
  • تەنتەك ءۇشىن تەك اكە-شەشەسى عانا ەمەس، بۇكىل اۋىل، سول اۋىلدىڭ اقساقالدارى جاۋاپ بەرەدى.
  • اراق ءىشىپ ولگەندەردىڭ جانازاسى شىعارىلمايدى جانە بولەك جەرلەنەدى.
  • وڭ جاقتا وتىرىپ ەكىقابات بولعان قىز قالىڭمالسىز بەرىلەدى.
  • نەكەسىز بالا تۋعان ايەلگە قۇرمەت كورسەتىلمەيدى.
  • قارابەت بولعان قىزدىڭ بۇرىمى كەسىلىپ، ماسقارالانادى.
  • مال ءورىسىن، جۋساۋىن بۇزعاندار ايىپقا تارتىلادى.
  • ەكى ادامنىڭ ءبىرى بوراندا ءۇسىپ ولسە، ونىڭ جانىنداعى كىسى قاسقىر ىشىكتى بولسا جازالانادى.
  • ءتارتىپسىز شاكىرتكە دۇرە سوعىلادى.
  • ەڭبەگى ءۇشىن اركىم اقى سۇراۋعا حاقىلى. بىراق اساردا، ۇرمەدە اقى سۇراۋعا بولمايدى.
  • اپاتقا، ورتكە ۇشىراعان شاڭىراققا رۋى، اۋىلى زاتتاي، مالداي، اقشالاي كومەك كورسەتۋگە مىندەتتى.
  • ەركەككە قىنسىز، پىشاقسىز، باكىسىز جۇرۋگە بولمايدى.
  • سوعىسقا ءۇيدىڭ جالعىز بالاسى الىنبايدى. ەكەۋدەن بىرەۋ، بەسەۋدەن ۇشەۋ، سەگىز بولسا بەس بالا جاساققا الىنادى.
  • جيەنگە سوت جوق.
  • كۇيەۋى قايتىس بولسا ايەل ءبىر جىلعا دەيىن تۇرمىسقا شىقپايدى.
  • ايەلى قايتىس بولعان ەر ادام جىلىن وتكەرمەي توسەك جاڭعىرتۋعا بولمايدى.
  • جەسىر ايەل ەردەن كەتسە دە ەلدەن كەتپەيدى. كۇيەۋىنىڭ اعاسىنا نەمەسە ىنىسىنە تۇرمىستانۋىنا تيىستى.
  • ەگەر ايەل باسقا بىرەۋگە كەتەر بولسا بۇل «جەسىر داۋى» جارعىسىنا سالىنادى.
  • قالىندىق ارسىز بولسا جانە ول دالەلدەنسە، كۇيەۋ جاق قالىڭ مالىن قايتارىپ الادى.
  • ۇرىن كەلىپ جۇرگەن كۇيەۋ كەيىن قالىڭدىعىن ابىرويسىز دەپ تاپسا، ونىڭ بۇل ءسوزى قابىلدانبايدى.
  • وتانىن، ەلىن، ءدىنىن ساتقانداردى، جاۋعا كومەك كورسەتكەندەردى ات قۇيرىعىنا بايلاپ، ازاپتاپ ولتىرەدى.
  • ەلگە وپاسىز بولعاننىڭ ءۇيى اۋىلدان بولەك قوندىرىلادى.
  • دالا زاڭى بويىنشا ەرلى-زايىپتىلار اجىراسسا بالالار اكەگە تاۋەلدى بولادى.
  • ءدىن سالتى بويىنشا ەركەك ءتورت ايەل الا الادى.
  • ەركەكتىڭ بەلسىزدىگى انىقتالسا، ايەلدىڭ اجىراسۋعا حاقىسى بار.
  • ايەلى بالا تاپپاسا ەركەگى اجىراسۋىنا بولادى، ءزابىرسىز توركىنىنە ەنشىسىمەن اپارىپ سالۋى كەرەك.
  • انت بۇزعانعا ايىپ بار.

"جەتى قازىنا" كىتابىنان الىندى

"The Qazaq Times"