سەۋل ەندى عانا اقش پەن سولتۇستىك كورەياعا اراشا بولا باستادى

اقش-تىڭ اۋىر اسكەري تەحنيكاسى – «كارل ۆينسون» اۆياماتكاسى كورەي تەڭىز الابىنا كەلدى. سولتۇستىك كورەيا «كەلسەڭ كەل!» دەگەن سىڭاي تانىتىپ وتىر. وسى شەشۋشى كەزدە وڭتۇستىك كورەيا تۇبەكتە سوعىستىڭ بۇرق ەتە قالۋىنان الاڭداپ، اقش-تى قاتاڭ اسكەري ارەكەتتەن قايتۋعا ناسيحاتتاۋدا.

وڭتۇستىك كورەيا قورعانىس مينيسترلىگىنىڭ وكىلى ءمۇن ساڭ-گيۋن بۇگىن تۇستەن بۇرىن حابارلاما جاريالاپ، وداقتاسى مەن سولتۇستىك كورشىسىنىڭ تۇبەك جاعدايىن ۋشىقتىرماۋىن تالاپ ەتتى.

ال، سولتۇستىك كورەيا ۋنيفيكاتسيا مينيسترلىگىنىڭ رەسمي وكىلى لەە داك-حاڭ ءبىر كۇن بۇرىن: «اقش-تىڭ اسكەري ارەكەتتەرى ءبىزدى ەش الاڭداتپايدى، ولاردىڭ بارلىق اسكەري شابۋىلىنا توتەپ بەرۋگە دايىنبىز جانە ارميامىز وعان قابلەتتى»، – دەگەن بولاتىن. وسىعان دەيىن اقش ۇكىمەتى سولتۇستىك كورەيامەن بەيبىت كەلىسىمگە كەلۋ جولدارىن قاراستىرۋدى سەۋل تارابىنا جۇكتەپ كەلگەن بولاتىن. لەە ءوزىنىڭ سوزىندە: «وڭتۇستىك كورەيا تۇبەك جاعدايىنىڭ شيەلەنىسۋى ءتىپتى سوعىستىڭ تۋىلۋىنان الاڭدامايدى ەكەن، وندا، ءبىزدى دە بۇل ماسەلە الاڭداتپايدى»، – دەپ  كەسەتكەن ەدى.

“The Qazaq Times”