فوتو: cbc.ca
قازاقستاندىقتاردى "يسلام مەملەكەتى" تەرروريستىك ۇيىمىنا كىرگەنى ءۇشىن ازامماتتىعىنان ايىراتىن بولادى. بۇل جايلى قر پرەزيدەنتى نۇرسۇلتان ءابىشۇلى «مير 24» ارناسىنا بەرگەن سۇحباتىندا ايتقان بولاتىن. 
ەلباسى ەكسترەميستىك توپتارعا بايلانىستى بەرگەن سۇحباتىندا: "قازاقستان رەسپۋبليكاسىنىڭ زاڭناماسىنا سايكەس قر-دا دۇنيەگە كەلگەن جانە تۇرىپ جاتقان ازامات ەلدەن كەتىپ، كەز-كەلگەن ەكسترەميستىك ۇيىمدارعا مۇشە بولسا، قايتا ەلگە ورالۋ مۇمكىندىگى شەكتەلىپ، اۆتوماتتى تۇردە ازاماتتىعىنان ايىرىلاتىن بولادى. بۇل - ءماجبۇرلى شارا. بۇگىندە "يسلام مەملەكەتىندە" قازاقستاننىڭ 500-600 شاقتى ازاماتى مۇشە، ال بۇرىنعى كەڭەس ۇكىمەتىندەگى ەلدەردەن جالپى 5 مىڭعا جۋىق ادام كىرگەن ەكەن، بۇل كورسەتكىش سوڭعى كەزدە ەداۋىر ارتىپ وتىر.  بىز تەرروريستىك توپتارعا مۇشە بولىپ، كەيىن ەلگە قايتا ورالعاندارمەن پروفيلاكتيكالىق شارالاردى ۇيىمداستىرىپ كوردىك. بىراق ودان ەش ناتيجە شىقپاعان سوڭ، ولاردىڭ ەلگە ورالۋىنا ءبىرجولا تىيىم سالۋدى ءجون دەپ سانادىق" - دەگەن ەدى.
“The Qazaq Times”