بەلارۋستە بيلىككە قارسى نارازىلىقتارپدىڭ جالعاسىپ جاتقانىنا ءتورت ايعا جۋىقتادى. بۇل جولى مينسك ورتالىعىندا ەكى مىڭنان استام ادام قاتىسقان «زەينەتكەرلەر شەرۋى» ءوتتى. بۇل تۋرالى TUT.BY سايتى حابارلادى.
سوڭعى بىرنەشە ايدا مينسكىدە بەلارۋس وپپوزيتسياسى جاقتاستارىنىڭ دەمونستراتسياسى ءوتتى. بۇل جولى زەينەتكەرلەر شەرۋىنە قاتىسۋشىلار «ياكۋب كولاس» الاڭىنا جينالدى. الاڭدا جينالعانداردىڭ شاعىن كولونناسى تاۋەلسىزدىك داڭعىلى بويىمەن جەڭىس الاڭىنا قاراي باعىت الدى.
ال Onliner پورتالى كۋاگەرلەردىڭ ايتۋىنشا، الاڭدا قاۋىپسىزدىك قىزمەتكەرلەرى شەرۋگە شىققان زەينەتكەرلەردى كۇشپەن قايتارماق بولدى. بەلارۋس ىشكى ىستەر ءمينيسترلىنى بۇل شەرۋدىڭ زاڭسىز ەكەنىن ايتىپ، الاڭعا جينالعاندارعا ەسكەرتۋ جاسادى.
6 جەلتوقساندا بەلارۋس كۇشتىك قۇرىلىم وكىلدەرى الەكساندر لۋكاشەنكو رەجيمىنە قارسى نارازىلىق اكتسياسى كەزىندە 300-دەن استام ادامدى ۇستاعان. سونىمەن قاتار وتكەن اپتادا مينسكىدەگى سوت TUT.BY سايتىن باق مارتەبەسىنەن ايىردى. باستى سەبەپ – سايت تىلشىلەرىنىڭ پرەزيدەنت سايلاۋى مەن ەلدەگى ميتينگتەن شىنايى اقپارات تاراتۋى.
9 تامىزدان بەرى مينسك مەن ەلدىڭ وزگە قالالارىندا نارازىلىق اكتسياسى جالعاسىپ جاتىر. سول كۇنى بەلارۋستە پرەزيدەنتتىك سايلاۋ ءوتىپ، ناتيجەسىندە ورتالىق سايلاۋ كوميسسياسى شيرەك عاسىر بيلىك ەتكەن الەكساندر لۋكاشەنكونىڭ جەڭىسىن جاريالادى. وپپوزيتسيا پرەزيدەنت سايلاۋىنىڭ رەسمي قورىتىندىسىن مويىنداۋدان باس تارتىپ، ەلدە ساياسي داعدارىس ۋشىعا ءتۇستى. ازاماتتىق بەلسەندىلەر سايلاۋ قورىتىندىسى بۇرمالاندى دەپ سانايدى.
نارازىلىقتى كۇشپەن باسۋ كەزىندە كەمىندە 5 ادام قازا بولعان، 6 ادام ءىز-ءتۇزسىز جوعالعان. قۇقىق قورعاۋشىلاردىڭ ايتۋىنشا، شامامەن 30 مىڭ ادام قۋدالانىپ، قوقان-لوقىعا ۇشىراعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟