فوتو: azattyq.org

اۋعانستان ءماجىلىسىنىڭ دەپۋتاتى ابدولساتتار دارزابي "وزبەكستان يسلام قوزعالىسى" دەپ اتالاتىن لاڭكەستىك توپتىڭ وسى ەلدىڭ سولتۇستىگىندە بەلسەندىلىك تانىتۋىنا الاڭداۋشىلىق ءبىلدىرىپ، ونىڭ دجاۋزدجان ۋالاياتىندا 80 اسكەري بازا قۇرعانىن مالىمدەدى. بۇل تۋرالى "فارس" ءباسپاسوزى جازدى.

«وزبەكستان يسلام قوزعالىسىنىڭ" جەتەكشىسى تاحەر يۋلداشتىڭ ۇلى اۋعانستاننىڭ سولتۇستىگىندە كۇش جيناپ جاتىر» دەپ مالىمدەدى. «وزبەكستان يسلام قوزعالىسى» ء"ال-كايداعا" قاراستى لاڭكەستىك توپتىڭ قاتارىنا جاتادى. بۇل توپ پاكىستاننىڭ سولتۇستىك ۆازيرەستانىندا ورنالاسقان بولاتىن، بىراق دايش لاڭكەستىك توبى ءوزىن جاريالاعان سوڭ وسى توپتىڭ بيلىگىن قابىلدادى. قازىرگى كەزدە وسى لاڭكەستىك توپتىڭ مۇشەلەرى ءسۇريا مەن يراكتا سوعىسىپ جاتىر. «وزبەكستان يسلام قوزعالىسىنىڭ» اۋعانستاننىڭ سولتۇستىگىندە بەلسەندىلىگىنىڭ ارتۋى ورتالىق ازيا ەلدەرى مەن رەسەيدىڭ الاڭداۋشىلىعىنا سەبەپ بولىپ وتىر.

“The Qazaq Times”