فوتو: ng.ru

 دجون حوپكينس ۋنيۆەرسيتەتى الەمدە قازىرگى تاڭدا 25 ميلليوننان استام ادام كوروناۆيرۋس جۇقتىردى دەپ حابارلادى.  سونىمەن قاتار اقش-تا جەكسەنبىدە 6 ميلليونعا جۋىق كەيس تركەلگەن.

دجون حوپكينس ۋنيۆەرسيتەتىنىڭ مالىمەتى بويىنشا، جاقىندا ورتا باتىستاعى ءتورت شتاتتا كوروناۆيرۋستىڭ ءبىر كۇندىك رەكوردتىق كورسەتكىشى تۋرالى حابارلادى: ايوۆا (785), سولتۇستىك داكوتا (375), وڭتۇستىك داكوتا (425 ادام) جانە ميننەسوتا (1000 ادام).

سونىمەن بىرگە مونتانا مەن ايداحودا اۋرۋحاناعا تۇسكەن COVID-19 پاتسيەنتتەرىنىڭ سانى دا رەكورد ورناتقان.

جاڭا كەيستاردىڭ كوبەيۋى ۇلكەن جيىنداردان باستالۋى مۇمكىن. ايوۆا شتاتىندا ايوۆا ۋنيۆەرسيتەتى مەن ايوۆا شتاتىنىڭ كولەدجى ورنالاسقان ايماقتا كوپتەگەن جاڭا جاعدايلار تىركەلگەن. سەبەبى، ەكى وقۋ ورنىندادا ساباق باستالعان.

Reuters-ءتىڭ حابارلاۋىنشا، امەريكا قۇراما شتاتتارى الەمدەگى كوروناۆيرۋسقا بايلانىستى ءولىم-ءجىتىم سانى بويىنشا كوش باسىندا، 183000-عا جاقىندادى، بىراق جان باسىنا شاققاندا ءولىم سانى 11-ءشى ورىندا، اقش-تىڭ الدىندا تۇرعان ەلدەر شۆەتسيا، برازيليا، يتاليا، چيلي، يسپانيا، ۇلىبريتانيا، بەلگيا جانە پەرۋ.

بۇگىن فرانتسيادا بالالار مەكتەپكە ورالادى، بىراق ەلدىڭ ءبىلىم ءمينيسترى جەكسەنبىدە مالىمدەمەسىندە ءوسىپ كەلە جاتقان COVID-19 ينفەكتسياسى بالالارعا قاۋىپ توندىرەتىنىن ايتتى.

فرانتسيادا كۇن سايىن مىڭداعان ادام ۆيرۋس جۇقتىرۋدا. ساباقتاردىڭ باستالۋعا جاقىن، ال فرانتسۋز دارىگەرلەرى قاتاڭ شارالاردى جالعاستىرۋدا، سونىڭ ىشىندە 6 جاستان اسقان وقۋشىلارعا بەتپەردە تاعۋدى جانە كەيبىر مەكەمەلەرگە ونلاين ءبىلىم بەرۋدى تالاپ ەتۋدە.

جەكسەنبىدە ءۇندىستان دا 24 ساعات ىشىندە 78,761 ادام كوروناۆيرۋس جۇقتىرعانى  حابارلاندى، بۇل پاندەميا باستالعاننان بەرى الەمدەگى ءبىر كۇندە ىندەت جۇقتىرعان ادامداردىڭ ەڭ كوپ كورسەتكىشى، جانە ەل ءالى دە ءوز ەكونوميكاسىن اشىق ۇستاۋدا. بۇل ءۇندىستاندا قاتارىنان ءتورتىنشى كۇن 75000-نان استام ادام تىركەلگەن.

ءۇندىستاندا تاۋلىگىنە 1000-عا جۋىق ءولىم جاعدايى تۋرالى حابارلادى. وسى ۋاقىتقا دەيىن 63 مىڭنان استام ۇندىستاندىق وسى اۋرۋدان قايتىس بولىپ، الەمدە ءتورتىنشى ورىندا تۇر.

"The Qazaq Times"