«كارانتين شارالارى كوروناۆيرۋستى توقتاتا المايدى»، – دەپ مالىمدەدى دۇنيەجۇزىلىك دەنساۋلىق ساقتاۋ ۇيىمى.

ددسۇ باسشىسى تەدورس ادانوم گەبرەيسۋستىڭ سوزىنشە، كارانتين ۆيرۋستى توقتاتا المايدى، ول ونىڭ تارالۋ قارقىنىن باسەڭدەتەدى.

«ۆيرۋستىڭ شىعۋ وشاعىن تاپپاسا، بىردە-ءبىر ەل ەپيدەميانى باقىلاۋدا ۇستاي المايدى. كارانتين شارالارى كوروناۆيرۋستى توقتاتا المايدى. ول تەك ونىڭ تارالۋ قارقىنىن باياۋلاتادى»، - دەيدى گەبرەيسۋس.

جاقىندا قازاقستان بيلىگى كوروناۆيرۋس ىندەتىنىڭ ورشۋىنە بايلانىستى تامىز ايىنىڭ 2-ىنە دەيىن كارانتين شارالارىن كۇشەيتكەن. وتكەن اپتادا دەنساۋلىق ساقتاۋ ءمينيسترى الەكسەي تسوي 1-ءشى تامىزدان باستاپ ۆيرۋستىق پنەۆمانيامەن اۋىرعاندار ساناتىن كوروناۆيرۋس ستاتيستيكاسىمەن قوسىپ ەسەپتەلەتىنىن مالىمدەگەن.

قازىرگى ۋاقىتتا قازاقستاندا 72 مىڭعا جۋىق كوروناۆيرۋس ىندەتىن جۇقتىرۋ دەرەگى تىركەلگەن. ەپيدەميا باستالعالى بەرى ەلدە ۆيرۋستان 585 ادام قايتىس بولعان.

"The Qazaq Times"