ءبىرتانوۆ حالىقتىق ەكپە جايىندا مالىمدەمە جاسادى

دەنساۋلىق ساقتاۋ ءمينيسترى ەلجان ءبىرتانوۆ حالىققا ەكپە جاساۋعا قاتىستى مالىمدەمە جاسادى.

مينيستر سوزىندە: «ۆاكتسيناتسيالاۋ – قازىرگى كودەكس پەن جاڭا كودەكس جوباسى بويىنشا كەز كەلگەن ادامعا كەلىسىمى ارقىلى عانا (نەمەسە زاڭدى وكىلىنىڭ كەلىسىمى – بالانىڭ اتا-اناسى) جاسالادى. كەز كەلگەن ادام (اتا-انا) ودان باس تارتا الادى. ول ءماجبۇرلى ەمەس. ايتسە دە حالىقتى ۆاكتسيناتسيالاۋ – ينفەكتسيا ەپيدەمياسىنان حالىقتىڭ قورعاۋدىڭ بىردەن-ءبىر عىلىمي نەگىزگە يە ءارى دالەلدەنگەن امالى. بۇل مەملەكەتتىك دەنساۋلىق ساقتاۋدىڭ مىندەتتى شاراسى. بىزگە بۇل ۆاكتسينالاردى ساتىپ الۋ كەرەك بولماي قالادى. جىلىنا 4 ميلليوننان استام بالاعا تۋعان كەزدە جانە تۋعاننان كەيىن مەملەكەت ەسەبىنەن پوليوميەليت، تۋبەركۋلەز، سىرەسپە، قىزىلشا، كوكجوتەل، گەپاتيت، پنەۆمونياعا قارسى ەكپە جاسالمايدى»، – دەپ جازدى ەلجان ءبىرتانوۆ Facebook پاراقشاسىندا.

وسىعان دەيىن پارلامەنت ءماجىلىسىنىڭ دەپۋتاتتارى «قازاقستان رەسپۋبليكاسىنىڭ دەنساۋلىق ساقتاۋ ماسەلەلەرى بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ماقۇلداعان بولاتىن. سوعان سايكەس ەكپەلەردىڭ بارلىعىن مىندەتتى جانە ەرىكتى دەپ ەكىگە ءبولۋ تۋرالى شەشىم قابىلداندى.

"The Qazaq Times"