الماتى وبلىسىنىڭ اتقا مىنەرلەرى نەگە «جاۋىردى جابا توقىپ وتىر»

الماتى وبىلسىنىڭ اتقا مىنەرلەرى «كەدەي ەلدىڭ كەدەي مۇعالىمىن» ءبىر كۇندە باقىتتى قىلىپ جىبەردى. وبلىس ورتالىعى تالدىقورعانعا ءتيىپ تۇرعان كوكسۋ اۋدانىنىڭ مۇقىر ەلدى مەكەنىندەگى جاعداي وسىنداي بولعاندا وبلىس ورتالىعىنان شالعايداعى ەلدى مەكەندەردىڭ جاعدايىن ەلەستەتۋدىڭ ءوزى مۇڭ شىعار. الدە باتالوۆتىڭ كومانداسى قاراماعىنداعى بارلىق مۇعالىمدەردى بايبولاتوۆاداي باقتتى ەتە الا ما؟

ەلدەگى ەپيدەميالىق جاعداي سالدارىنان ءبىلىم جانە عىلىم مينيسترلىگىنىڭ جولعا قويعان قاشىقتان وقىتۋ باعدارلاماسى «تسيفرلى قازاقستاننىڭ» سىيقىن اشىپ تاستادى. ازۋدى ايعا بىلەپ تۇرىپ وتىز جىلعى جەتىستىك رەتەندە الەمنىڭ دامىعان وتىز ەلىنىڭ قاتارىنا كىرىپ ەلىمىزدىڭ الىس تۇكپىرلەرىنە دەيىن ينتەرنەتپەن قامتىلىپ تسيفرلى الەمنىڭ سىيقىرلى كۇشە يە بولدىق دەگەن جالعان جاراپازانىنىڭ ارتى اشىلىپ جاتىر. ال سول اشىلعان جەردى جابا توقىپ الەكپىز. سونىڭ ءبىر مىسالى الماتى وبلسىنىڭ كوكسۋ اۋدانىنداعى مەكتەپ مۇعالىمى مايرا بايبولاتوۆانىڭ الەم جەلىدەگى ارت-ارتىنان سالعان ەكى ءتۇرلى بەينەجازباسى.

الماتى وبلىسىنىڭ اكىمدىگى «kundelik.kz» كە كىرۋ ءۇشىن ەكى كەشتىڭ اراسىدا ناۋتبۋگىن ارقالاپ اۋىل كەزىپ ينتەرنەت ىزدەپ جۇرگەن مۇعالىمنىڭ جاعدايىن قالاي شەشتى. «قازقاستان جەرىندە جالعىز مەنىڭ ءۇنىم، مەنىڭ عانا ايقايىم ەمەس، بارلىق رەسپۋبليكا بويىنشا قانشا مۇعالىم وسىلاي ءجۇر ەكەن؟! ... قايىرشى كەدەي مەملەكەتتىڭ كەدەي مۇعالىمىمىن» دەپ ەكى ەتەگى جاسقا تولعان مۇعالىم اراعا كۇن سالماي جاتىپ «ارمىسىزدار قازاق ەلى مەن بايبولاتوۆا مايرا بەرىكقىزى كەشەگى كۇنى ينتەرنەت جەلىسىنە سالعان بەينا جازبا تۋرالى اقپارات بەرگىم كەلدى. مەنى تولعاندىرىپ جۇرگەن ماسەلەلەر بويىنشا جەرگىلىكتى اتقارۋشى بيلىك ورگاندارى اتاپ وتەر بولسام كوكسۋ اۋدانىنىڭ اكىمى الماس قابدىلۇلى جانە دە اكىمدىكتىڭ قىزمەتكەرلەرى ينتەرنەت جەلىسىنە قوسىلۋ ماسەلەسىن، بولاشاقتا باسپانا ماسەلەسىن شەشىپ بەرۋگە ۋادە بەردى. مەن حالىق ۇنىنە قۇلاق اساتىن مەملەكەتكە سەنەمىن. قازىرگى تاڭدا مەن ءوزىمنىڭ بەينەجازبامدا ايتىلعانداي ءوزىمنىڭ تۋعان جەرىمدى «كەدەي مەملەكەت» دەپ ايتقانىم ءۇشىن جالپى جۇرشىلىقتان كەشىرىم سۇرايمىن»  دەگەن ۇندەۋ جاسادى.

الىس اۋدانداردى قويىپ الماتى قالاسىنان 20 شاقىرىم اۋدان ورتالىعى تالعاردان 3 شاقىرىم جەردە ورنالاسقان قىزىل-قايرات ەلدى مەكەنىندەگى ينتەرنەت ىزدەپ ءۇيدىڭ شاتىرىمەن ينتەرنەت ۇستايدى-اۋ دەگەن بيىك تۇعىر ىزدەپ جۇرگەن ءوز جاعدايىمىز دا «تسيفرلى قازاقستاننىڭ» الماتى وبلىسىندا سىن كوتەرمەيتىنىنە كۋا. «قازاقتەلەكومنان» باستاپ، اكىم قارالارىنىڭ ءبىرازىنا حابارلاسىپ اقىرى مايرانىڭ العاشقى بەينەجازباسىن سالعان كۇننىڭ كەبىن كەشىپ وتىرمىز.

ءبىزدىڭ ايتپاعىمىز الماتى وبلىسىنا قاراستى 3 قالانى قايدام 17 اۋداننىڭ ءبىرازىندا قاشىقتان وقىتۋعا بايلانىستى ينتەرنەتتىڭ قول جەتىمسىزدىگىن اتقا مىنەرلەر جاۋىردى جابا توقىماي ناقتى ءىس-ارەكەتكە كوشىپ قول جەتىمدى ەتسە دەگەن حالىق تىلەگى. ءبىر بايبولاتوۆانىڭ اۋزىن جاپقانىمەن مايرا سەكىلدى ينتەرنەت ىزدەگەن مىڭداعان ادامنىڭ اۋزىن قالاي جاپپاق؟!

The Qazaq Times"