رەسەي مەن بەلارۋسسيا اراسىنداعى جانجال ءوز شەشىمىن تاپتى

مينسك پەن ماسكەۋ اراسىنداعى مۇناي-گاز ماسەلەلەرى شەشىمىن تاپتى دەپ مالىمدەدى رف پرەزيدەنتى ۆلاديمير پۋتين.

پۋتين: ء"بىز مۇناي-گاز سالاسىنداعى وسى ۋاقىتقا دەيىن داۋ تۋدىرتقان ماسەلەلەردى شەشۋ جولىندا ورتاق شەشىمگە كەلدىك. سونىمەن قاتار، ولاردىڭ قاي ۋاقىتتا شەشىلەتىندىگىن دە جوسپارلاپ قويدىق" - دەپ، بەلارۋسسيا پرەزيدەنتى الەكساندر لۋكاشەنكومەن بولعان كەلىسسوزدەردىڭ قورىتىندىسىن جاريالادى.

ەكى ەل اراسىنداعى ماسەلە الداعى 10 كۇن ىشىندە ءوز شەشىمىن تابادى دەپ كۇتىلۋدە. كەلىسسوزدەر بارىسىندا الداعى ۋاقىتتا دا وسى سالا بويىنشا جۇرگىزىلەتىن جۇمىستاردىڭ دا جوسپارى جاسالماق.

رەسەي مەن بەلارۋسسيا اراسىنداعى ماسەلەلەر 2016 جىلدىڭ باسىنان باستاپ، ءوز شەشىمىن تابا الماي كەلەدى. بەلارۋسسيالىق تاراپ رەسەي گازىنىڭ باعاسى تىم قىمباتتىعىنا بايلانىستى كوپ تولەۋدەن باس تارتقان، سايكەسىنشە، رەسەي بۇل ەلگە باجسىز مۇناي جەتكىزىلىمىن ازايتقان بولاتىن. كەيىننەن، بۇل ەكونوميكالىق  ماسەلە ۇلكەن ساياسي جانجالعا اينالىپ كەتۋ الدىندا تۇرعان بولاتىن.

"The Qazaq Times"