الماتى قالاسىنداعى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ باس سانيتار دارىگەرى ايزات مولداقاسىموۆا كوروناۆيرۋس كۇدىگىمەن كارانتينگە الىندى.
بۇل جونىندە ونىڭ ورىنباسارى اسەل حالىقوۆا حابارلادى.
قالالىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى توراعاسىنىڭ ورىنباسارى حالىقوۆا:
«ايزات مولداقاسىموۆا فرانكفۋرت-نا-ماينە رەيسىندە ۇشقان. سوندا بورتتاعى كوروناۆيرۋس جۇقتىرعان ناۋقاسپەن بايلانىستا بولعان. ايزات ءوز بەتىنشە وقشاۋلانعان ەدى. اناليز قورىتىندىسى ۆيرۋستى تەرىستەگەن سوڭ ۇيىنە جىبەرىلىپ، تەلەفون ارقىلى باقىلاۋعا الىندى»، – دەپ مالىمدەدى.
بۇعان دەيىن قازاقستاندا 6 ادام كوروناۆيرۋس جۇقتىرعانى رەسمي تۇردە راستالعان. ۆەدومستۆونىڭ مالىمەتىنشە، بۇگىن قحر-دان جانە شەكارالاس مەملەكەتتەردەن كەلگەن ازاماتتارعا مونيتورينگ جالعاسىپ جاتىر. بارلىق ساناتتار بويىنشا مونيتورينگكە 2 مىڭ 272 ادام الىندى، ونىڭ ىشىندە 1 "ا" ساناتى بويىنشا – 1 مىڭ 438, 1 "ب" ساناتى بويىنشا – 475, 2 ساناتى بويىنشا – 359 ادام. مونيتورينگكە الىنعان 2 مىڭ 272 ادامنىڭ 380-ىنە باقىلاۋ توقتاتىلدى. 14 ناۋرىزداعى جاعداي بويىنشا بارلىعى 1 مىڭ 892 ادامعا مونيتورينگ جۇرگىزۋدە.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟