بۇگىن ءماجىلىس «اقجول» پارتياسىنىڭ وكىلى، دەپۋتات ازات پەرۋاشەۆ ۇكىمەت باسشىسىنا جولداعان ساۋالىندا سەمەي قالاسىنا رەسپۋبليكالىق مارتەبە بەرۋدى ۇسىندى.
ول الاش استاناسى اتانعان تاريحي شاھارعا رەسپۋبليكالىق ستاتۋس بەرۋدى اباي قۇنانبايۇلىنىڭ 175 جىلدىعى قارساڭىندا ماڭىزى زور شەشىم بولادى دەپ ەسەپتەيدى.
«وسى ورايدا كەر زاماندا قازاقتىڭ رۋحىن كوتەرگەن، قازاقتىڭ داۋىسىن جەتكىزگەن اباي رۋحىنىڭ ورداسى سەمەي قالاسىنا دا ءتيىستى مارتەبەسىن بەرۋ ورىندى دەپ سانايمىن. اكىمشىلىك-اۋماقتىق قۇرىلىس تۋرالى زاڭنىڭ 3-بابىنا سايكەس رەسپۋبليكالىق ماڭىزى بار قالالار قاتارىنا حالقىنىڭ سانى 1 ميلليوننان اساتىن ەلدى مەكەندەر نەمەسە ەرەكشە مەملەكەتتىك ماڭىزى بار قالالار جاتادى. ءبىزدىڭ ويىمىزشا، سەمەي قالاسى ءدال وسى ەرەكشە مەملەكەتتىك ماڭىزى بار قالا. سوندىقتان وعان رەسپۋبليكالىق مارتەبە بەرۋ جونىندە مەملەكەت باسشىسىنا ۇسىنىس ەنگىزۋ مۇمكىندىگىن قاراستىرۋىڭىزدى سۇرايمىن»، – دەدى دەپۋتات ءوز سوزىندە.
بۇعان دەيىن سەمەي قالاسىنىڭ اۋەجايىنا قازاقتىڭ ۇلى اقىنى اباي ەسىمىن بەرۋ تۋرالى ءوتىنىم بەرىلگەن. قازىر قۇجاتتى رەسپۋبليكالىق ونوماستيكا كوميسسياسى قاراپ جاتىر. الاشوردا تاريحىندا ەرەكشە ءمانى بار كونە شاھاردا بۇگىنگى تاڭدا 340 مىڭعا جۋىق ازامات ءومىر سۇرەدى.
سەمەيدىڭ كورنەكتى نىساندارىنىڭ ءبىرى - نەگىزگى كوپىر. فوتو: Wikipedia
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟