رەسەي سوتى ۋكراينانىڭ بۇرىنعى پرەمەر-ءمينيسترى ياتسەنيۋكتى ۇستاۋعا ۇكىم شىعاردى

ەسسەنتۋكي سوتى ۋكراينانىڭ بۇرىنعى پرەمەر-ءمينيسترى ارسەني ياتسەنيۋكتى قاماۋ تۋرالى ءۇكىم شىعاردى. بۇل تۋرالى "ورتالىق ازيا حابار قىزمەتى" جازدى. 

2015 جىلى رەسەي تەرگەۋ كوميتەتىنىڭ باسشىسى الەكساندر باسترىكين 1994–1995 جىلدارى شەشەنستانداعى ءبىرىنشى سوعىس كەزىندە ياتسەنيۋك شەشەن جىكشىلدەرىمەن بىرگە فەدەرالدىق اسكەرگە قارسى كۇرەسكەن دەپ مالىمدەدى. ۋكراينالىق ساياساتكەرگە قارسى قىلمىستىق ءىس قوزعالدى. 2017 جىلى 21 اقپاندا رەسەيلىك بيلىك ياتسەنيۋكتى حالىقارالىق ىزدەۋگە بەردى.

ارسەني ياتسەنيۋك ەسسەنتۋكي سوتىنىڭ شەشىمىن "اقىلعا قونىمسىز" دەپ اتادى. ونىڭ پىكىرىنشە، "كرەمل ۋكراينالىق ساياساتكەرلەردى قۋدالاۋدىڭ قۇقىقتىق مەحانيزمدەرىن ىزدەستىرىپ جاتىر".

1995 جىلى ياتسەنيۋك 21 جاستا ەدى. بۇل جىلدارى ول ۋكراينالىق چەرنوۆتسى قالاسىنداعى ۋنيۆەرسيتەتتە وقيتىن. شەشەنستان پرەزيدەنتى رامزان قادىروۆ بۇعان دەيىن ۋكراينىڭ بۇرىنعى پرەمەر-ءمينيسترىنىڭ ءبىرىنشى شەشەن سوعىسىنا قاتىسقانى تۋرالى بىلمەيتىنىن مالىمدەگەن ەدى.

“The Qazaq Times”