ۇلىبريتانياداعى كەنتا ۋنيۆەرسيتەتىنىڭ عالىمدارى، GPS-ناۆيگاتوردى پايدالانۋ ميدىڭ بەلسەندىلىگىن تومەندەتىپ, كەڭىستىكتى يگەرۋ فۋنكتسياسىن جويادى دەگەن تۇجىرىمعا كەلىپ وتىر. زەرتتەۋ ناتيجەلەرى Nature Communications باسىلىمىندا جاريالانعان.
تاجىريبە بارىسىندا 24 ەرىكتى لوندونداعى سوحو اۋدانىنىڭ ۆيرتۋالدى مودەلىنەن قاجەتتى مەكەنجايدى تابۋعا ءتيىس بولعان. الدىمەن كومپيۋتەردىڭ كومەگىنسىز، كەيىن GPS انىقتامالىقتى پايدالانا وتىرىپ. تاجىريبە باستالعاندا ءاربىر ەرىكتىنىڭ مي قىزمەتى فۋنكتسيونالدىق مرت كومەگىمەن ءجىتى باقىلانىپ وتىردى.
زەرتتەۋ ناتيجەلەرىنە سايكەس، ادامدار كومپيۋتەردىڭ كومەگىنسىز مەكەنجايدى ىزدەگەندە مي بولىكتەرىندە ناۆيگاتسيا مەن شەشىم قابىلداۋعا ىقپال ەتەتىن گيپپوكامپ مەن پرەفرونتالدى قىرتىس بەلسەندى جۇمىس ىستەي باستايدى. ال GPS كومەگىمەن باقىلاعاندا مي بەلسەندىلىگى تومەندەپ، اتالمىش بولىكتەر قىزمەتى بايقالمادى.
عالىمدار بۇل تاجىريبەنى قورىتىندىلاي كەلە، ەكى جاعدايدىڭ دا ادامدار ءۇشىن ءتيىمدى ەكەندىگىن ايتىپ وتكەن. العاشقىسىندا - مي بەلسەندىلىگى ارتادى، بۇل اقىل-ويدى جەتىلدىرۋگە، ويلاۋ قابىلەتىن ارتتىرۋعا جاتتىعۋ بولا الادى. ال ەكىنشى جاعدايدا مي قىزمەتى باسەڭدەپ، باسقا دا ماڭىزدى شەشىمدەر قابىلداۋعا قاجەتتى رەسۋرستى ۇنەمدەۋ دە ماڭىزدى ەكەندىگىن اتاپ ءوتتى.
"The Qazaq Times"
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر