فوتو: crash-welgood.rhcloud.com كۋريل ارالدارى

رەسەيدىڭ سىرتقى ىستەر مينيسترلىگى جاپونيا مەن رەسەي اراسىنداعى كۋريل ارالدارى ماسەلەسى بويىنشا كەلسسوزدەر جۇرگىزدى دەپ حابارلايدى ريا اگەنتتىگى. رەسەيدىڭ سىرتقى ىستەر ءمينيسترى يگور مورگۋلوۆتىڭ مالىمدەۋىنشە، وڭتۇستىك كۋريل ارالدارىنداعى جوبالار تەك رەسەيلىك زاڭنامالار نەگىزىندە جاسالعان شارتتار بويىنشا جۇزەگە اسپاق.  

نەگىزگى اتقارىلاتىن جۇمىستار ارالدىڭ ەكونوميكالىق ءال-اۋقاتىن دامىتۋعا باعىتتالادى دەپ وتىر.

جاپونيادا وتكەن جەلتوقسان ايىنداعى سامميت  ناتيجەسى بويىنشا، ەكىجاقتى قارىم-قاتىناستاردى دامىتۋ ۇشىن ورىس-جاپون پراكتيكالىق بايلانىسىن كەڭەيتۋى جانە سەنىم مەن ىنتىماقتاستىقتى جاڭا ساپالىق دەڭگەيگە كوتەرۋ تۋراسىندا شەشىم قابىلدانعان بولاتىن.

مورگۋلوۆ: "مەنىڭشە، بۇل شەشىمدەر رەسەي مەن جاپونيانىڭ ستراتەگيالىق قىزىعۋشىلىقتارىن قاناعاتتاندىرادى" - دەپ، ەكى ەل اراسىنداعى ىنتىماقتاستىقتىڭ نىعايا تۇسەتىندىگىنە سەنىمدى ەكەندىگىن  جەتكىزدى.

جاپونيا دا وڭتۇستىك كۋريلدەگى جەرلەرگە يەلىك ەتە وتىرىپ جۇزەگە اسىراتىن بىرنەشە جوبالار جونىندە ۇسىنىس دايىنداپ قويعان. بۇل جايلى   اشىق وتىرىستا جاپون سىرتقى ىستەر ءمينيسترىنىڭ ورىنباسارى تاكەو اكيبا ايتقان ەدى. كەلىسىمدەر ەكى تاراپتىڭ دا قۇقىقتىق پوزيتسيالارىن ساقتاپ قانا قويماي، سۇرانىستارىن قاناعاتتاندىرۋ ماقساتىندا  "جاپونيا ءبىزدىڭ ورتاق ماقساتىمىزعا بارار جولدا العاشقى بولىپ شەشىم قابىلداۋدى" قالايتىندىعىن جەتكىزدى.

“The Qazaq Times”