ادام قۇقىقتارىنا يە بولعان وزەن

الەمدە ءبىرىنشى رەت جاڭا زەلانديا وزەنى ادام قۇقىقتارىنا يە بولدى.

جاڭا زەلاندياداعى ۋونگانۋي وزەنى ادام قۇقىقتارىنا يە بولعان الەمدەگى العاشقى تابيعي ايماق اتاندى دەپ حابارلايدى Guardian.

ۋونگانۋيدەگى جەرگىلىكتى ماوري تايپاسى بۇل وزەندى وزدەرىنىڭ ارعى اتا تەگى سانايدى، سوندىقتان دا ونى ءتىرى دەپ تانىپ، ادام قۇقىقتارىنىڭ بەرىلۋى ءۇشىن 140 جىل كۇرەسكەن بولاتىن.

جاڭا زەلانديا پارلامەنتىنىڭ شىعارعان شەشىمى بويىنشا، ۋونگانۋي وزەنىنە كەلتىرىلگەن كەز-كەلگەن زالال تايپانىڭ قۇقىقتارىن بۇزىپ، ادامي قۇندىلىقتاردى اياققا تاپتاعان بولىپ سانالادى. سونىمەن قاتار،  تايپا مەن وزەندى تەڭ ءبىر تۇلعا دەپ تە قاراستىرادى.

بۇگىندە وزەن ەكى بىردەي تاراپتان قورعالىپ وتىر، ءبىرى - جەرگىلىكتى تايپا، ەكىنشىسى - مەملەكەت باسشىلىلىعى تاراپىنان.

وزەنگە ادام قۇقىقتارىن بەرۋ ماسەلەسىنە بايلانىستى سوت پروتسەسى جاڭا زەلانديا تاريحىنداعى ەڭ ۇزاق سوت ءىسى بولىپ تابىلادى. Guardian جۋرانليستەرىنىڭ پىكىرىنشە، ەندى باسقا دا تايپالار وزدەرىنىڭ قاسيەتتى ايماقتارىنا ادام قۇقىقتارى بەرىلىپ، مەملەكەت تاراپىنان قورعاۋعا الىنۋىنا سوتقا ارىز بەرە الادى.

«The Qazaq Times»