ءبىر دوللار جالاقى الاتىن پرەزيدەنت

اق ءۇيدىڭ قىزمەتكەرى  شون سپايسەردىڭ ايتۋىنشا، اقش پرەزيدەنتى دونالد ترامپ ءبىر جىلدىق جالاقىسىن قايىرىمدىلىققا جۇمساماق. ورتا ەسەپپەن العاندا، ترامپ جىلىنا الاتىن 400 مىڭ دوللاردان ءوز ەركىمەن باس  تارتىپ وتىر. 

اقش پرەزيدەنتى بۇل اقشانىڭ قايدا جۇمسالاتىندىعىن دا ەسەپتەپ قويعان سەكىلدى. ال بۇل ماسەلەنى شەشۋ ءۇشىن وعان اق ءۇيدىڭ جۋرناليستەرىنىڭ زەرتتەۋ جۇمىستارى كومەكتەسكەن كورىنەدى.

پرەزيدەنتتىك قىزمەتكە كىرىسپەس بۇرىن، ترامپ سايلاۋ بارىسىندا-اق، ءوزىنىڭ قىزمەتى ءۇشىن ەشقانداي اقى المايتىندىعىن ايتىپ ەدى. ال قازىردە، زاڭمەن بەكىتىلگەن ەرەجە بويىنشا، بۇل ەڭبەگى ءۇشىن ەڭ تومەنگى مەجەدەگى 1 دوللار اقى الىپ وتىر.

وسى ۋاقىتقا دەيىن، كوپتەگەن باق وكىلدەرى ترامپتىڭ قايىرىلىمدىققا كوپ كوڭىل بولمەيتىندىگىن ايتىپ، سىنعا العان بولىتىن. بالكىم، سوعان جاۋاپ رەتىندە وسىنداي شەشىم قابىلداعان دا شىعار.

Forbes جۋرنالىنىڭ 2016 جىلعى رەيتينگى بويىنشا، دونالد ترامپتىڭ بايلىعى 3,7 ملرد  دوللارعا باعالانىپ وتىر.

اقش تاريحىندا گەربەرت گۋۆەر جانە دجون كەننەدي دە جالاقىلارىن قايىرىمدىلىققا جۇمساعان ەكەن.

"The Qazaq Times"