Фото: alwayswanderlust.com 1 доллар

Ақ үйдің қызметкері  Шон Спайсердің айтуынша, АҚШ президенті Дональд Трамп бір жылдық жалақысын қайырымдылыққа жұмсамақ. Орта есеппен алғанда, Трамп жылына алатын 400 мың доллардан өз еркімен бас  тартып отыр. 

АҚШ президенті бұл ақшаның қайда жұмсалатындығын да есептеп қойған секілді. Ал бұл мәселені шешу үшін оған АҚ үйдің журналистерінің зерттеу жұмыстары көмектескен көрінеді.

Президенттік қызметке кіріспес бұрын, Трамп сайлау барысында-ақ, өзінің қызметі үшін ешқандай ақы алмайтындығын айтып еді. Ал қазірде, заңмен бекітілген ереже бойынша, бұл еңбегі үшін ең төменгі межедегі 1 доллар ақы алып отыр.

Осы уақытқа дейін, көптеген БАҚ өкілдері Трамптың қайырылымдыққа көп көңіл бөлмейтіндігін айтып, сынға алған болытын. Бәлкім, соған жауап ретінде осындай шешім қабылдаған да шығар.

Forbes журналының 2016 жылғы рейтингі бойынша, Дональд Трамптың байлығы 3,7 млрд  долларға бағаланып отыр.

АҚШ тарихында Герберт Гувер және Джон Кеннеди де жалақыларын қайырымдылыққа жұмсаған екен.

"The Qazaq Times"