اقش پرەزيدەنتى دونالد ترامپ بيىل اسكەري بيۋدجەت كولەمى $250 ملن بولىپ بەكىتىلگەننەن كەيىن، ۋكرايناداعى اسكەري كومەكتى قايتا قاراۋ تۋرالى بۇيرىق بەردى.
Politico مالىمەتى بويىنشا، ترامپ كيەۆكە بولىنگەن قارجىنىڭ امەريكا مۇددەسى تۇرعىسىنان پايدالانىلاتىنىنا كوز جەتكىزگىسى كەلەدى. قارجى قۇرىلىمىنا تەكسەرىس جۇرگىزۋشىلەردىڭ اراسىندا اقش قورعانىس ءمينيسترى مارك ەسپەر مەن اقش پرەزيدەنتىنىڭ ۇلتتىق قاۋىپسىزدىك جونىندەگى كومەكشىسى دجون بولتون بار.
قايتا قاراۋ كەزىندە قاراجات ۋاقىتشا بۇعاتتالاتىن بولادى. اقش كونگرەسى وكىلدەر پالاتاسىنىڭ قارجى ءبولۋ جونىندەگى كوميتەتى: «پرەزيدەنت شەشىمىنەن كەيىن تۇسىنىسپەۋشىلىكتەر ورىن الۋى مۇمكىن. سەبەبى، وسى ماڭىزدى قادامعا دەگەن قورقىنىش باسىم. ءبىزدىڭ تاراپ بۇل رەسۋرستاردىڭ تەكسەرىلۋى مەن كىدىرۋىنە بايلانىستى اكىمشىلىككە جەدەل تۇردە سۇرانىس جىبەرەدى»، – دەدى.
اقش قورعانىس مينيسترلىگىنىڭ مالىمەتتەرىنە سايكەس، ۋاشينگتوننان كيەۆكە 2014 جىلدان باستاپ كورسەتىلگەن اسكەري كومەك كولەمى $1,5 ملرد-قا جەتكەن.
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى