قىتاي ارنايى قىزمەتتەرى شەتەلدىك تىڭشىلار مەن بۇرىنعى مەملەكەتتىك قىزمەتكەرلەردى ارباۋ ءۇشىن LinkedIn الەۋمەتتىك جەلىسىن پايدالانادى. بۇل تۋرالى امەريكالىق جانە شەتەلدىك بارلاۋ قىزمەتتەرىندەگى دەرەككوزدەرىنە سىلتەمە جاساپ، The New York Times گازەتى حابارلادى.

گازەتكە سۇحبات بەرگەن دەرەككوزدەردىڭ ايتۋىنشا، سوڭعى جىلدارى مەملەكەتتىك ينستيتۋتتاردا ىستەيتىن قىزمەتكەرلەر قىتايدان تابىستى جۇمىس ىستەۋگە شاقىرتۋ العان. "بۇل تىڭشى بولۋى مۇمكىن ادامدى قىتايعا شاقىرۋ ءۇشىن جاسالادى" دەيدى دەرەككوزدەر.

The New York Times جازۋىنشا، اقش-تا سوڭعى كەزدەرى تىڭشىلىق بابىمەن جاۋاپقا تارتىلاتىندار كوبەيگەن. بيىل كوكتەمدە ورتالىق بارلاۋ باسقارماسىنىڭ (تسرۋ) قىزمەتكەرى وسىنداي ايىپپەن 20 جىلعا سوتتالعان. باق-تىڭ جازۋىنشا، ونىڭ قىتايمەن سەرىكتەستىگى LinkedIn جەلىسىندە باستالعان. قىتاي ارنايى قىزمەتتەرىنەن كەلەتىن حات تۋرالى دانيا سىرتقى ىستەر مينيسترلىگى دە ەسكەرتكەن.

بۇعان قاتىستى پىكىر بىلدىرگەن LinkedIn كومپانياسىنىڭ باسشىلىعى "كۇماندى اككاۋنتتاردى سارالاۋمەن ارناۋلى باسقارما اينالىساتىنىن" ايتادى. LinkedIn - بوس جۇمىس ورنىن ىزدەپ، ىسكەرلىك بايلانىس ورناتۋعا ارنالعان الەۋمەتتىك جەلى. قازىر الەۋمەتتىك جەلىدە 200 مەملەكەتتەن 150 سالانىڭ وكىلى رەتىندە تىركەلگەن جۇزدەگەن ميلليوننان اسا قولدانۋشى بار.

"The Qazaq Times"