قازاق ساربازدارى بۇۇ ميسسيالارىنا اتتانادى

بۇل تۋرالى استانادا وتكەن پارلامەنت ءماجىلىسىنىڭ ۇكىمەت ساعاتىندا قر سىرتقى ىستەر ءمينيسترى قايرات ءابدىراحمانوۆ ايتتى.

مينيستر ءوز سوزىندە قازاقستان جاۋىنگەرلەرىن بۇۇ ميسسيالارىنا قاتىستىرۋ كەزىندە ەڭ قاۋىپسىز دەلىنگەتىن ميسسيالاردى تاڭداۋعا كۇش سالاتىندارىن جەتكىزدى.

بۇۇ ميسسيالارىن اتقارۋعا سەبەپ تە جوق ەمەس، ويتكەنى ەلىمىز بيىلعى 1 قاڭتاردان باستاپ اتالعان حالىقارالىق ۇيىمنداعى قاۋىپسىزدىك كەڭەسىنىڭ تۇراقتى ەمەس مۇشەسى رەتىندە جۇمىس باستاعان بولاتىن.

ق.ءابدىراحمانوۆ بۇۇ ميسسيالارىنا قاتىسۋ بويىنشا قازاقستان تاراپى وزىندىك تاجىريبەگە يە ەكەنىن ەسكە سالدى. ءبىزدىڭ ماماندار مەن اسكەريلەر  باتىس ساحاراداعى رەفەرەندۋم بارىسىن باقىلىاۋ جانە كوت-دە'يۆۋارداعى شارالارعا قاتىسۋ بويىنشا جۇمىس اتقارعان. وسى ميسسيالاردا جالپى 9 ادام جۇمىس اتقارسا، بۇگىنگى كۇنى 4 مامان باتىس ساحارادا ءوز قىزمەتتەرىن جالعاستىرۋدا.

“The Qazaq Times”