اقش-تىڭ بۇرىنعى مەملەكەتتىك حاتشىسى گەنري كيسسيندجەر دونالد ترامپ پرەزيدەنت تاعىنا وتىرعاننان كەيىن رەسەي مەن قۇراما شتاتتار اراسىندا ارااعايىندىق رءول اتقارادى. Bild نەمىس باسىلىمى ەۋروپالىق ارنايى قىزمەتتىڭ دەرەككءوزىنە سىلتەمە جاساپ، كيسسيندجەر مءاسكەۋمەن قارىم-قاتىناستى جاقسارتۋ ءۇءشىن جاڭا ءاكىمشىلىكپەن جۇمىس ىستەيدى دەپ جازادى.
ماقالادا بۇرىنعى مەملەكەتتىك حاتشى قىتاي كۇشەيىپ جاتقاندا، كرەملمەن ديالوگ جاساۋ دۇرىس قادام دەپ ەسەپتەيتىنى جازىلعان. باسىلىمنىڭ مالىمەتىنشە، كيسسيندجەر بۇرىنعى سوۆەت وداعى ەلدەرىنە رەسەيدىڭ باسىمدىق جۇرگىزۋىن مويىنداۋدى ۇسىنادى. مۇنان بولەك جوسپارعا سايكەس، ترامپ ماسكەۋگە قارسى سانكتسيالاردى جويۋعا تالپىنادى.
قازىرگى ۋاقىتتا اقش-تىڭ سەناتىندا رەسەيگە قارسى سانكتسيالاردى الىپ تاستاۋدى قيىنداتاتىن زاڭ جوباسى قارالىپ جاتىر. بۇل زاڭ جوبادا ەگەر رەسەي قىرىم تۇبەگىن ۋكرايناعا قايتارعان جاعدايدا عانا نەمەسە حالىقارالىق قاۋىمداستىقتىڭ جانە كيەۆ بيلىگىمەن شەشىلگەن جاعدايدا عانا سانكتسيالاردىڭ كۇشى جويىلادى. قازىرگى قولدانىستاعى سانكتسيالار تۋرالى زاڭدى پرەزيدەنت كەرى قايتارا الادى.
كيسسيندجەر 1973 - 1977 جىلدار ارالىعىندا مەملەكەتتىك حاتشى قىزمەتىن اتقارىپ، اقش پەن سسرو اراسىنداعى "قىرعي-قاباق سوعىستى" جويۋعا كۇش سالدى. ول سول ءۇشىن نوبەل سىيلىعىن العان.
centralasian.org
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟