سىمسىز قۋاتتاۋ قۇرىلعىلارى شىقتى

Disney Research زەرتحاناسىندا مەتيۋ حابالكو، موحسەنا شاحموحاممادي جانە الانسونا سەمپلا اتتى  عالىمدار توبى سىمسىز قۋات كوزىن تاسىمالدايتىن  جۇيەنى جاساپ شىعاردى. كۆازيستاتيستيكالىق رەزونانس قۋىسى (QSCR)  دەپ اتالاتىن بۇل ءادىس ەلەكتر قۇرىلعىلارىن بولمەنىڭ ىشىندە، ەشقانداي قۋات كوزىنە قوسپاي-اق قۋاتتاۋعا مۇمكىندىك بەرەدى.  

تاجىريبە بارىسىندا ارنايى 5 ح 5 شارشى مەتر بولمە سالىنىپ، ونىڭ ىشىنە ەلەكتر قۇرىلعىلارى، گادجەتتەر مەن جارىق شامدارىن قۋاتتاندىراتىن ماگنيت تولقىندارى جۇرگىزىلگەن. بولمەنىڭ ىشىندەگى ماگنيت تولقىندارى ارقىلى  بارلىق قۇرىلعىلار قۋات كوزىنە قوسىلىپ تۇرادى.

سىمسىز ەلەكتر قۋاتىن تاسىمالداۋ عالىمداردى  بىرنەشە جىلدان بەرى ويلاندىرىپ كەل جاتقان تاقىرىپتاردىڭ ءبىرى. بۇل ءادىس بويىنشا العاشقى تاجىريبە XIX عاسىردىڭ 90-جىلدارى نيكولا تەسلانىڭ  جارىق شامدارىن سىمسىز  جالعاۋ ماقساتىندا جاسالعان بولاتىن.

QSCR ءادىسىنىڭ قۇپياسى - قابىرعالار مەن توبەدەگى مەتالل جابىندىلارىنداعى توقتان بىرەگەي ماگنيت ءورىسىن  تۋدىرۋ. ناتيجەسىندە وسى ماگنيت ءورىسىنىڭ  رەزوناس تولقىنىندا جۇمىس جاساپ تۇرعان قابىلداعىش  كاتۋشكالارعا  ەنەرگيا تاسىمالداناتىن بولادى.  جۇيەدەگى توقتىڭ يندۋكتسياسى بولىنگەن كوندەنساتورلاردىڭ كومەگىمەن قاۋىپتى ەلەكتر ورىسىننەن وقشاۋلاپ وتىرادى.

عالىمداردىڭ ايتۋىنشا، بولمەنىڭ ىشىنە ماگنيت ءورىسىن تۋدىرۋ ءۇشىن ارنايى مەتالل قابىرعالارادىڭ قاجەتى بولمايدى.تەك توق وتكىزگىش بوياۋلار مەن بولمەگە ورنالاستىرىلاتىن جابدىقتىڭ بولۋى  جەتكىلىكتى.

«The Qazaq Times»