گەرمانيا: رەسەيدىڭ پرەزيدەنت سايلاۋىنداعى شۋعا قاتىسى جوق

گفر ءسىم زيگمار گابريەل باق قۇرالدارىنىڭ باتىس ەلدەرىندە ءوتىپ جاتقان پرەزيدەنت سايلاۋىنا رف-نىڭ تىكەلەي قاتىسى بار دەگەن اقپاراتىن تولىقتاي جوققا شىعاردى. 

زيگمار گابريەلدىڭ رەسەيدىڭ سىرتقى ىستەر ءمينيسترى سەرگەي لاۆروۆپەن وتكەن كەزدەسۋىندە: "گەرمانيانىڭ باق وكىلدەرى تاراتقان اقپاراتتارىنا وزدەرى جاۋاپ بەرەدى، ال فەدەرالدى ۇكىمەتتىڭ اتىنان، بۇل ماسەلە جونىندە ەشقانداي كۇدىك تە، كىنا دا تاعىلماعان" - دەپ، قىسقا قايىردى.

وسى ۋاقىتقا دەيىن باتىستىڭ باق وكىلدەرى رەسەي فەدەراتسياسىن ۇيىمداستىرىلىپ جاتقان پرەزيدەنت سايلاۋىنا ارالاسىپ، ءوز مۇددەسىنە قاراي شەشىم شىعۋىنا ارەكەت ەتۋدە دەپ بىرنەشە مارتە اقپارات تاراتقان بولاتىن. ال رەسەي بۇل اقپاراتتاردى نەگىزسىز جالا دەپ مالىمدەمە جاساعان ەدى.

“The Qazaq Times”