پەنتاگون: رەسەيدىڭ قاناتتى زىمىرانداردى كۇشەيتۋى - ناتو-عا قاۋىپ توندىرەدى

اقش-تىڭ قورعانىس مينيسترلىگى رەسەيءدىڭ قاناتتى زىمىراندار جءۇيەسىن كءۇشەيتۋى قارۋلانۋدى قىسقارتى تۋرالى كەلىسىمگە قايشى كەلەدى دەپ ەسەپتەيدى. بۇل تۋرالى "ورتالىق ازيا حابار قىزمەتى" جازادى. 

اقش قارۋلى كۇشتەرىنىڭ شتاب باسشىلارى كوميتەتىنىڭ ۆيتسە-توراعاسى پول سەلۆانىڭ ايتۋىنشا، ماسكەۋدىڭ بۇل ارەكەتى ناتو-نىڭ ەۋروپاداعى كوپتەگەن نىساندارىنا قاۋىپ توندىرەدى.

The New York Times گازەتى اقپان ايىندا حابارلاعانداي، رەسەي قاناتتى زىمىرانداردىڭ جاڭا جۇيەسىن كۇشەيتۋ ارقىلى 1987 جىلى اقش پەن كسرو اراسىندا ورتاشا جانە قىسقا قاشىقتىققا ارنالعان زىمىرانداردى جويۋ تۋرالى كەلىسىمىن بۇزدى. رەسەي پرەزيدەنتىنىڭ ءباسپاسوز حاتشىسى دميري پەسكوۆ بۇل ماقالانى جوققا شىعاردى. ونىڭ ايتۋىنشا، رەسەي ء"وزىنىڭ حالىقارالىق مىندەتتەرىن ورىنداي بەرەدى".

كەلىسىم 1988 جىلدىڭ 1 ماۋسىمىندا كۇشىنە ەنگەن. اقش پەن كسرو 500-دەن 5500 شاقىرىمعا دەيىنگى ورتاشا جانە قىسقا قاشىقتىققا ارنالعان بالليستيكالىق جانە قاناتتى زىمىرانداردى جاساۋدان جانە سىناقتان وتكىزۋدەن باس تارتتى.