نۇر-سۇلتاندا قاسىم-جومارت توقاەۆتى ۇلىقتاۋ ءراسىمى وتۋدە.

قاسىم-جومارت توقاەۆ ماۋسىم ايىنىڭ 9-ى كۇنى وتكەن پرەزيدەنت سايلاۋىندا قارسىلاستارىن ايقىن باسىمدىقپەن جەڭگەن. ورتالىق سايلاۋ كوميسسياسىنىڭ مالىمەتىنشە، توقاەۆ حالىقتىڭ 70, 96 پايىز داۋىسىن العان. ونىڭ سايلاۋ كۇنىنە دەيىن نەگىزگى قارسىلاسى بولىپ سانادىپ كەلگەن وپپوزيتسيالىق ساياساتكەر ءامىرجان قوسانوۆ سايلاۋشىلاردىڭ 16,23 پايىز داۋىسىنا يە بولدى.

ءامىرجان قوسانوۆ باستاعان پرەزيدەنتتىككە ۇمىتكەر وزگە دە كانديداتتار قاسىم-جومارت توقاەۆتى ورتالىق سايلاۋ كوميسسياسى سايلاۋ قورىتىندىسىن جاريالاماي جاتىپ قۇتتىقتادى. ال ەۋروپا قاۋىپسىزدىك جانە ىنتىماقتاستىق ۇيىمىنىڭ باقىلاۋشىلارى قازاقستاندا وتكەن كەزەكتەن تىس پرەزيدەنت سايلاۋىنا «فۋندامەنتالدى قۇقىقتار بۇزىلدى» دەگەن باعا بەردى.

"The Qazaq Times"