ءپۋتيننىڭ ساپارىنان كەيىن قىرعىزستان اسكەرىن نىعايتۋعا شۇعىل كىرىستى

قىرعىزستان پرەزيدەنتى المازبەك اتامباەۆ پەن قىرعىز قارۋلى كۇشتەر باس شتابىنىڭ  توراعاسى رايىمبەردى دۋيشەنبيەۆ ەلدىڭ  اسكەري الەۋەتىن جاقسارتۋ ماقساتىندا، سەرىكتەس ەلدەرمەن بايلانىس ورناتۋ ماسەلەسىن تالقىلادى دەپ حابارلايدى پرەزيدەنت ءباسپاسوز ورتالىعىنىڭ  وكىلدەرى. 

دۋيشەنبيەۆ پرەزيدەنتتىڭ  زاماناۋي تالاپتارعا سايكەس اسكەري قۇرىلىمداردى جاساقتاۋ تۋرالى تاپسىرماسى مەن باسقارۋ ورگاندارىن ىسكە قوسۋ، بولىمشەلەردىڭ  جەدەل اسكەري دايىندىعىن جاقسارتىپ،  قاجەتتى تەحنيكامەن تولىق قامتاماسىز ەتۋ جانە اسكەري قىزمەتكەرلەردىڭ الەۋمەتتىك جاعىدايىنا كوڭىل ءبولۋ سەكىلدى ماسەلەلەردى دە جۇزەگە اسىرىپ جاتقاندىعى تۋرالى ەسەپ بەردى.

سەيسەنبىدەگى رەسەي فەدەراتسياسىنىڭ  پرەزيدەنتى ۆلاديمير ءپۋتيننىڭ قىزعىزستانعا رەسمي ساپارىندا، اسكەري-تەحنيكالىق سەرىكتەستىك جايلى كەلىسسوزدەر جۇرگىزىلگەن  بولاتىن. كەزدەسۋ سوڭىندا اتامباەۆ جۋرناليستەرگە "اسكەردى كۇشەيتۋ مەن  سوعان قاجەتتى تەحنيكانى  رەسەيدەن الدىرۋ" تۋرالى ماسەلەلەردى قاراستىرعاندىقتتارىن جەتكىزدى.

“The Qazaq Times”