اقش فەدەرالدى بارلاۋ اگەنتتىگىنىڭ باسشىسى كريستوفەر رەي.

اقش-تىڭ فەدەرالدى بارلاۋ اگەنتتىگىنىڭ باسشىسى كريستوفەر رەي قىتاي مەن رەسەيگە قاتىستى مالىمدەمە جاسادى.

«ءبىر دە ءبىر ەل ينوۆاتسيالىق تەحنولوگيالاردى ۇرلاۋدا قىتايعا تەڭ كەلمەيدى. قىتاي تۇڭعىش رەت الەۋمەتتىك تاسىلدەردى قولدانۋدا. ولار وسى ارقىلى كوپتەگەن كومپانيالار مەن ۋنيۆەرسيتەتتەردەن جاڭا تەحنولوگيالاردى ۇرلاۋدا» - دەدى رەي 26 ءساۋىر كۇنى ۋاشينگتوندا سويلەگەن سوزىندە.

بۇدان بولەك فەدەرالدى بارلاۋ اگەنتتىگىنىڭ باسشىسى اقش-تىڭ كيبەر قاۋىپسىزدىگىنە كەلەتىن قاۋىپ جونىندە دە اڭگىمە قوزعادى. وندا ول امەريكە قۇراما شاتاتتارىنا كيبەر شابۋىل جاساۋدا ايتارلىقتاي زيان كەلتىرەتىن رەسەي ەكەندىگىن ايتتى.

«اقش-قا بارلاۋ سالاسىندا باستى قاۋىپ رەسەيدەن كەلەدى. بۇل جەردە ءبىرىنشى كەزەكتە كيبەر شابۋىلدى ايتامىز. بۇنى 2016 جىلى پرەزيدەنت سايلاۋىندا بولعان جاعدايلاردان بايقاۋعا بولادى» -دەپ مالىمدەدى رەي.

بۇعان دەيىن ءساۋىر ايىنىڭ 18-ءى كۇنى اقش ادىلەت مينيسترلىگى ميۋللەر بايانداماسىن جاريالاعان. وندا 2016 جىلى پرەزيدەنت سايلاۋىنا رەسەي فەدەراتسياسىنىڭ ارالاسپاق بولعاندىعى جونىندە ايتىلعان.

رەسمي ماسكەۋ اقش-تىڭ بۇل ايىبىن جوققا شىعارادى. رەسەي ءسىم اتالمىش بايانداماعا بايلانىستى: «اقش پروكۋراتۋراسى رەسەيدىڭ سايلاۋعا ارالاسۋىنا قاتىستى تولىققاندى دايەك-دالەل كورسەتە العان جوق» - دەپ مالىمدەدى.

"The Qazaq Times"