اقش-تىڭ اسكەري بارلاۋ قىزمەتىن توقتاتقان وفيتسەرى، كاسىپكەر جانە ينۆەستور فيليپ بيلدەن اسكەري-تەڭىز كۇشتەرى ءمينيسترى قىزمەتىنەن باس تارتتى. بۇل تۋرالى پەنتاگون باسشىسى دجەيمس مەتتيستىڭ مالىمدەمەسىنە سىلتەمە جاساپ تاسس حابارلايدى.
كاسىپكەردىڭ اتالمىش قىزمەتكە كانديداتۋراسىن دونالد ترامپ ۇسىنعان. مەملەكەت باسشىسى بيلدەن تۋرالى «ول – وتە تابىستى كاسىپكەر. ونىڭ ستراتەگيالىق وزىندىك كوزقاراسى بار جانە تاعايىندالعان بولىمىندە ءتارتىپتى جاقسارتۋعا قابىلەتى جەتەدى» دەگەن.
اق ءۇيدىڭ مالىمدەۋىنشە، بيلدەننىڭ ازيا ايماقتارىنداعى پروبلەمالار مەن كيبەرقاۋىپسىزدىكتەن حابارى بار جانە ولاردى رەتتەۋگە قاۋقارى دا جەتەدى. وسىيلايشا، ترامپ ۇسىنعان پەنتاگونداعى مينيسترلىك قىزمەتتەن باس تارتقان ەكىنشى كانديدات.
ەسكە سالا كەتەيىك، اقپان ايىنىڭ باسىندا ميللياردەر-ينۆەستور ۆينسەنت ۆيولا اقش ارمياسىنىڭ ءمينيسترى قىزمەتىنەن باس تارتقان بولاتىن. وعان سەبەپ تاعى دا جەكە جانە قوعامدىق مۇددەلەردىڭ قايشىلىقتارى بولىپ تابىلادى.
«The Qazaq Times»
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن