ۆەنەسۋەلا اسكەرى سوعىس جاعدايىنا ءوتتى.
«نەمىس تولقىنى» اقپارات اگەنتتىگىنىڭ مالىمەتىنشە، ۆەنەسۋەلا ارمياسى ۇرىس جاعدايىنا ءوتىپ، ارۋبا، بونەيرا جانە كيۋراساو اۆتونوميالىق ارالدىق اۋداندارىمەن اراداعى شەكارالاردى جاۋىپ تاستادى. ولاردىڭ بۇنداي قادامعا بارۋىنىڭ باستى سەبەبى اقش-تان كەلەتىن گۋمانيتارلىق كومەكتى وتكىزبەۋ.
«ارميا ەلدىڭ تەرريتوريالىق تۇتاستىعىن قورعايتىن بولادى» - دەپ مالىمدەدى ۆەنەسۋەلا قورعانىس ءمينيسترى ۆلاديمير پادرينو.
بۇعان دەيىن وپپوزيتسيا كوشباسشىسى حۋان گۋايدو پرەزيدەنت نيكولاس مادۋرونىڭ ۇكىمەتىنەن اقش-تان كەلەتىن گۋمانيتارلىق كومەكتەرگە 23 اقپانعا دەيىن كەدەرگى كەلتىرمەۋدى سۇراعان جانە ۆەنەسۋەلا ارمياسىن «كونستيتۋتسيا جاعىنا شىعۋعا» شاقىرعان.
بىراق نيكولاس مادۋرو: «اقش گۋمانيتارلىق كومەك جەلەۋىمەن ۆەنەسۋەلاعا اسكەر كىرگىزبەك. ءبىز رەسەي، قىتاي، تۇركيا جانە بۇۇ-دان كەلەتىن 300 توننا گۋمانيتارلىق كومەك كۇتىپ وتىرمىز» - دەپ مالىمدەگەن.
18 اقپان كۇنى اقش پرەزيدەنتى دونالد ترامپ ۆەنەسۋەلا ارمياسىنا ەسكەرتۋ جاساپ: «ەگەر سەندەر بۇل جولدان (مادۋرونى قولداۋدان) تايمايتىن بولساڭدار، جاۋاپكەرشىلىكتەن قۇتىلمايسىڭدار، بارلىعىنان ايىرىلاسىڭدار» - دەگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى