اقش-تا مۇسىلمان-رەسپۋبليكاشىل ءوز لاۋازىمىن ساقتاپ قالدى

اقش-تاعى تەحاس شتاتىنا قاراستى تاررانت ايماعىنىڭ رەسبۋليكاشىل پارتياسىنىڭ وكىلى شاحيد شافي ءوزىنىڭ جۇمىسىن ارى قاراي جالعاستىرا بەرمەك.

شىلدە ايىندا پارتيانىڭ كەيبىر مۇشەلەرى پاكىستاندىق مۇسىلمان شاحيد ءشافيدى دىنىنە بايلانىستى لاۋازىمىنان بوساتۋ تۋرالى تالاپ ەتكەن بولاتىن. الايدا، رەسپۋبليكاشىل پارتيانىڭ 139 ازاماتى بۇل تالاپقا قارسى ەكەندىكتەرىن بىلدىرسە، تەك، 49 مۇشەسى عانا ونىڭ قۋىلۋىن جاقتاپ داۋىس بەرگەن. وسىلايشە، داۋىس بەرۋدەن جەڭىپ شىققان شاحيد شافي ارى قاراي ءوز جۇمىسىن جالعاستىراتىن بولادى.

سونىمەن قاتار، شافي: «اقش-تىڭ ەڭ باستى ۇستانىمدارىنىڭ ءبىرى دىنگە سەنۋدەگى ەركىندىك جانە دە ءبىز وسى ءۇشىن كۇرەسىپ، بۇگىن جەڭىسكە جەتىپ وتىرمىز. سول سەكىلدى اقش-تاعى بارلىق تۇرعىنداردىڭ قۇقىعى بىردەي ەكەندىگىن كورسەتىپ وتىرمىز» دەپ، ءوز پىكىرىن جەتكىزدى.

شاحيد شافي پاكىستان ەلىندە تۋىلىپ، 1990 جىلى اقش-قا قونىس اۋدارعان. ەڭ العاش حيرۋرگ-تراۆماتولوگ بولىپ قىزمەت اتقارعان ازامات 2009 جىلى امەريكا ازاماتى اتاندى. سول ۋاقىتتان بەرى تاررانت ايماعىنداعى رەسپۋبليكاشىل پارتياسى باسشىسىنىڭ ورىنباسارى قىزمەتىن اتقارىپ كەلەدى. سوڭعى ۋاقىتتاردا تاررانت ايماعىنداعى رەسپۋبليكاشىل پارتيانىڭ مۇشەلەرى مۇسىلمان ءدىنىنىڭ ازاماتى ءدال وسى لاۋازىمدا وتىرعاندىعىنا وزدەرىنىڭ نارازىلىعىن ءبىلدىرىپ، ورنىنان بوساتۋدى تالاپ ەتكەن بولاتىن. بۇدان بولەك، ءشافيدىڭ وتستاۆكاعا كەتۋىن جاقتاعانداردىڭ ءبىرى تاررانت وكرۋگىنىڭ فيليال باسشىسى دورري و برايەن ەدى. ول، شاحيد شافي يسلام ءدىنىنىڭ زاڭدارىمەن جۇرەتىندىگىن ايتىپ، تەررورلىق ۇيىمدارمەن قاتىسۋ بولۋى مۇمكىن ەكەندىگىن دە جەتكىزگەن.

"The Qazaq Times"