26 جەتولقسان The New York Times – «نيۋ-يورك تايمس» گازەتىنىڭ سايتىندا الەمدەگى يادرولىق جاعدايدىڭ ساراپتاماسى جاريا ەتىلگەن بولاتىن. وندا قازىرگى الەمدەگى يادرولىق ەلدەر جانە ولاردىڭ يادرولىق قارۋ مولشەرى انىق كورسەتىلدى. 

قازىر الەمدە يادرولىق قارۋعا يە توعىز ەل بار. دەسەدە، يزرايل مەملەكەتى وزىندە يادرولىق وقتۇمسىقتار بار ەكەنىن رەسمي تۇردە مويىنداپ وتىرعان جوق. وزگە ەلدەردىڭ مالىمەتىنە قاراعاندا يزرايلدا 80 دانا يادرولىق وقتۇمسىقتار بار دەلىنەدى.

الەمدەگى يادرولىق قارۋعا يە ەلدەر

يادرولىق قارۋ جانە يادروسىزدانۋ

قىرعي-قاباق سوعىسىنان كەيىن، اقش پەن رەسەي يادرولىق قارۋلارىن ازايتۋ شارالارىن جاساپ كەلگەن. بىراق وسى ەكى الىپ دەرجاۆا ءالى كۇنگە مىڭداعان يادرولىق وقتۇمسىقتاردى ساقتاپ وتىر. وزگە يادرولىق قارۋعا يە جەتى ەلدىڭ يادرولىق قارۋلانۋى، سالىستىرمالى تۇردە، جالپى يادرولىق قارۋلاردىڭ از مولشەرىن ۇستايدى.

 

يادرولىق قارۋلاردىڭ جالپى مولشەرى (1945-2014)

يادرولىق قارۋ مولشەرى جاعىنان كوشباستاۋشى ەلدەر، جوعارىدا ايتقانىمىزداي اقش پەن رەسەي. ولاردىڭ ارقايسىسىندا 7000 دانا نەمەسە ودان دا  كوپ يادرولىق وقتۇمىسقتار بار دەپ ەسەپتەلىپ كەلەدى. بىراق ەكى ەل وسىنىڭ تورتتەن ءبىر بولەگىن عانا الەمگە رەسمي تۇردە جاريالاپ، ال قالعانىن رەزەرۆتە ساقتاپ وتىر. نە بولماسا جاسىرىن اتۋعا ءازىر كۇيىندە تۇرعان بولۋى دا مۇمكىن. ال سولتۇستىك كورەيانىڭ يادرولىق ماسەلەسى جالپىعا بىردەي بەلگىلى. دەسە دە ساراپشىلار بۇل ەلدىڭ يادرولىق وقتۇمسىقتارى ونعا جەتپەۋى مۇمكىن دەپ بولجايدى.

ارقايسى يادرولىق ەلدەردىڭ يادرولىق قارۋلانۋ سالىستىرماسى

«The Qazaq Times»

اۋد. ەستاي بوجان