گەۆين ۋيليامسون: رەسەي كەرچەن بۇعازىنداعى ارەكەتى ءۇشىن مىندەتتى تۇردە جاۋاپ بەرەدى

ۇلىبريتانيانىڭ قورعانىس ءمينيسترى گەۆين ۋيليامسون قارا تەڭىز رەسەيدىڭ مەنشىگىندە ەمەس ەكەندىگى تۋرالى ودەسساداعى رەسمي ساپارى بارىسىندا مالىمدەدى.

«قارا تەڭىز تەك رەسەي ەلىنىكى عانا ەمەس، حالىقارالىق تەڭىز بولىپ ەسەپتەلەدى» دەگەن ۇلىبريتانيا قورعانىس ءمينيسترى HMS ەسھو تىڭشىلىق كەمەلەرى ودەسسا پورتىنا قاراي باعىت العاندىعىن دا ايتتى. سونىمەن بىرگە مۇنداي ارەكەتتەرى ارقىلى قارا تەڭىزدە اسكەري تەحنيكالار مەن جۇك تاسمالىنىڭ ەركىن قاتىناۋىنا مۇمكىندىك بار ەكەندىگىن كورسەتكىسى كەلەدى.

بۇدان بولەك، لوندون دا وزگە باتىس ەلدەرى ىسپەتتى ۋكراينانىڭ قورعانىسىنا قولداۋ ءبىلدىرىپ، قيىن كەزەڭدە قول ۇشىن بەرۋگە ءازىر ەكەندىگىن ءبىلدىرىپ وتىر. سونداي-اق ۇلىبريتانيا قورعانىس ءمينيسترى 25 قاراشا كۇنى كەرچەن بۇعازىندا بولعان جاعداي ءۇشىن رەسەي جاعى مىندەتتى تۇردە جاۋاپ بەرەتىندىگىن دە اشىق مالىمدەدى.

ەسترەىڭىزگە سالا كەتەيىك، بريتانيانىڭ HMS Echo (H87) اسكەري كەمەسى 19 جەلتوقسان كۇنى تاڭەرتەڭ ودەسسا پورتىنا جەتكەن. وندا ۋكراينالىق تەڭىز اسكەرىمەن بىرىگىپ، ايماقتى كۇزەتۋ كۇشىن ارتتىرىپ وتىر.

“The Qazaq Times”