فوتو: svoboda.org

رەسەيدىڭ اقپاراتتىق تەحنولوگيالاردى باقىلاۋ ۇيىمى Telegram الەۋمەتتىك جەلىسىن بۇعاتتاۋدى جوسپارلاپ وتىر. 2019 جىلى ىسكە اسىرىلاتىن جوبانىڭ جالپى قۇنى 300 ميلليون دوللارعا تەڭ. بۇل تۋرالى ۆۆس تەلەارناسىنىڭ رەسەيدەگى قىزمەتى مالىمدەدى.

الەۋمەتتىك جەلىنى بۇعاتتاۋ جوباسى DPI (deep packet inspection) تەحنولوگياسى ارقىلى جۇزەگە اسىرىلماق. پروۆايدەر عالامتورىنىڭ كومەگىمەن ينتەرنەت-ترافيكتەرىنىڭ بارلىق جۇمىسى قاتاڭ باقىلاۋعا الىنىپ، قاجەت ەمەس دۇنيەلەر اۆتوماتتى تۇردە بۇعاتتالاتىن بولادى.

ەستەرىڭىزگە سالا كەتەيىك، 16 ساۋىردەن باستاپ رەسەيدىڭ اقپاراتتىق تەحنولوگيالاردى باقىلاۋ ۇيىمى Telegram الەۋمەتتىك جەلىسىن بۇعاتتاۋدى جۇزەگە اسىرىپ كەلەدى. بۇگىنگە دەيىن رەسەي اۋماعىندا 19 ميلليوننان استام تۇرعىننىڭ IP مەكەن-جايى بۇعاتتالىپ، بارلاۋ قىزمەتكەرلەرىنىڭ نازارىنا ىلىككەن.

"The Qazaq Times"