تەگەران بالليستيكالىق زىمىرانداردى سىناقتان وتكىزەتىندىكتەرىن مالىمدەدى

يران بالليستيكالىق زىمىرانداردى سىناقتان وتكىزەتىندىكتەرىن مالىمدەدى. بۇل تۋرالى ۋاشينگتون اكىمشىلىگى ەرتەرەكتە ايتقان بولاتىن.

جىل سايىن 40-50 زىمىراندى سىناقتان وتكىزىپ جۇرگەن يران ەلى ورتاشا قاشىقتىقتاعى زىمىراندى سىناپ كورۋگە باتىلدىق تانىتىپ وتىر. ايتسە دە، ۋاشينگتون اكىمشىلىگى يراننىڭ مۇنداي مالىمدەمەسىنە بىردەن نازار اۋدارىپ وتىر. قازىرگى تاڭدا بالليستيكالىق زىمىراننىڭ ەڭ سوڭعى تەكسەرىسى قالاي بولعاندىعى تۋرالى اقپارات جوق.

ءبىرىنشى جەلتوقسان كۇنى اقش-تىڭ باس حاتشىسى مايك پومپەو يران ەلىن ورتا قاشىقتىقتاعى بالليستيكالىق زىمىراندى سىناقتان وتكىزۋگە دايىندالۋدا. وسىلايشا تەگەران بۇۇ № 2231 زاڭىن بۇزدى دەپ ءوز پىكىرىن بىلدىرگەن ەدى.

سونىمەن قاتار، 5 قاراشا كۇنى اقش تەگەرانعا قارسى ەنەرگەتيكا، تەڭىز جولى، قارجى سەكتورىنا باعىتتالعان سانكتسيانىڭ ەكىنشى پاكەتىن جولداعان بولاتىن.

نەگىزىنەن اتالعان سانكتسيا يراننىڭ ۇلتتىق مۇناي كومپانيالارىنىڭ حالىقارالىق مۇمكىندىگىن شەكتەۋگە جانە وزگە شەت ەلدەردىڭ قارجى ۇيىمدارىمەن يران بانكتەرىنىڭ قىزمەتىن توقتاتۋعا باعىتتالعان. سول سەكىلدى، يراندىق پورتتار مەن تەڭىز تاسمالىنا دا توسقاۋىل قويىلىپ وتىر.

اتالعان جاعدايدان كەيىن، يران بيلىگى بۇۇ-نىڭ حالىقارالىق سوتىنا اقش-تىڭ سانكتسيالارى بىرجاقتى كەلىسىمدەردى بۇزدى دەپ شاعىمدانعان. سونداي-اق، 1955 جىلى جاساسقان دوستىق، ەكونوميكالىق جانە كونسۋلدىق كەلىسىمنىڭ بۇزىلعاندىعىن دا مالىمدەدى.

“The Qazaq Times”